महाराजगञ्जस्थित कान्ति बाल अस्पतालमा मानसिक स्वास्थ्य केन्द्र सञ्चालन हुने भएको छ । अस्पतालले बालबालिकाका लागि मानसिक स्वास्थ्य सेवाको ओपीडी यसअघि सुरु गरिसकेको छ ।
बुधबार अस्पतालको ५९औंँ वार्षिकोत्सवको अवसरमा स्वास्थ्य तथा जनसङ्ख्या मन्त्री हृदयेश त्रिपाठीले बालबालिका तथा किशोरकिशोरीको मानसिक स्वास्थ्य केन्द्रको भवन उद्घाटन गर्नुभयो ।
बालबालिका तथा किशोरकिशोरीमा समेत मानसिक समस्या हुने भएकाले देशको एक मात्र बाल अस्पतालका रूपमा परिचित कान्ति अस्पतालले मानसिक स्वास्थ्य केन्द्र सञ्चालनमा ल्याएको जनाइएको छ । मन्त्री त्रिपाठीले कोरोना विरुद्धको खोप सबै जनतालाई उपलब्ध गराउने, भर्खरै सबै पालिकामा शिलान्यास भएका अस्पताल निर्माणलाई पूरा गर्ने र कर्मचारीको समायोजनलाई टुङ्ग्याउने आफ्नो जिम्मेवारी
रहेको बताउनुभयो ।
