छोटकरीमा : आज- २०७७ पौष २९, बुधबार

आज 'निर्वाचन आयोगलाई ओलीको जवाफ : नेकपा विभाजन भएकै छैन', 'प्रतिनिधिसभा विघटनविरुद्धको मुद्दा हेर्दाहेर्दैमा', 'जापानमा हिउँमा परेर १३ जनाको मृत्यु, सयौँ घाइते', 'अमेरिकामा ७० वर्षपछि एक महिलालाई मृत्युदण्ड दिइयो' लगायतका विषयवस्तुहरू समावेश गरिएका छन्।



नेकपा (दाहाल-नेपाल) पक्षका अध्यक्ष माधवकुमार नेपालले प्रधानमन्त्री केपी ओलीले डमरु बजाउँदै केन्द्रीय कमिटी सदस्य बाँडिरहेको आरोप लगाएका छन्। प्रधानमन्त्री ओलीले सर्वसत्तावादी र निरंकुश चरित्र देखाएको उनको आरोप छ।



केपी शर्मा ओली नेतृत्वको नेकपाले निर्वाचन आयोगमा जवाफ पेश गरेको छ। पत्रमा जवाफ पठाउँदै ओलीले नेकपा विभाजन नभएको र पुष्पकमल दाहाल दोस्रो वरियताको अध्यक्ष कायम रहेको बताएकाे हाे। पत्रमा दाहाल–नेपाल समूहले ओलीलाई अनुशासनको कारबाही गर्दै उनको ठाँउमा माधव नेपाललाई अध्यक्ष नियुक्त गरेको विवरण पेश गर्नुको औचित्य र वैधानिकता नभएको उल्लेख गरेका छन्।



विश्व महाशक्ति बन्ने दौडमा रहेको चीनलाई रोक्ने गरी वासिङ्टनडीसीले इन्डो–प्यासिफिक रणनीतिलाई अघि सारेको भर्खरै बाहिर आएको एक दस्तावेजबाट खुलेको छ। राष्ट्रिय सुरक्षा रणनीति अन्तर्गत वासिङटनबाहिर आएको दस्तावेज ‘अमेरिकाको लागि इन्डो–प्यासिफिकको रूपरेखा’ मा ‘इन्डो–प्यासिफिक’ मार्फत् आफू र आफ्ना क्षेत्रीय सहयात्रीहरु मिलेर आर्थिक रूपमा आक्रमक तरिकाले अघि बढिरहेको चीनलाई रोक्ने योजना अमेरिकाको रहेको देखिएको छ।



प्रतिनिधिसभा विघटनविरुद्धको मुद्दा शुक्रबारसम्मका लागि स्थगित भएको छ। प्रधानन्यायाधीश चोलेन्द्रशमशेर जबरा नेतृत्वको संवैधानिक इजलासमा बुधबार भएको बहस नसकिएपछि हेर्दाहेर्दैमा राखिएको हो।



नेपाल कम्युनिस्ट पार्टी (नेकपा) को विद्यार्थी संगठन अनेरास्ववियूले कार्टुन देखाएर प्रतिगमनको विरोध गरेको छ।



राष्ट्रिय चिकित्सा शिक्षा आयोगले पहिलोपटक एमबिबिएसलगायत स्नातक तहका चिकित्सा शिक्षाका कार्यक्रममा एकीकृत प्रवेश परीक्षाको तयारी गरेको छ। तर, चिकित्सा शिक्षा ऐनमा सार्वजनिक शैक्षिक संस्थामा स्नातक तहमा कम्तीमा ७५ प्रतिशत छात्रवृत्ति दिनुपर्ने व्यवस्था भए पनि त्यसको भने टुंगो लागेको छैन।



जनता समाजवादी पार्टी (जसपा) का संघीय परिषद् अध्यक्ष बाबुराम भट्टराईले सनातनदेखि नै सत्ताले अत्याचार गर्ने गरेको भन्दै प्रधानमन्‍त्री केपी ओली त्यही अत्याचारीको प्रतीकका रूपमा उदाएको बताएका छन्।



नेकपा प्रचण्ड–नेपाल समूहका अध्यक्ष पुष्पकमल दाहाल प्रचण्डले पार्टीले सरकारलाई काम गर्न नदिएको उदाहरण पेस गर्न चुनौती दिएका छन् ।



संयुक्त राज्य अमेरिकामा करिब सात दशकपछि पहिलोपटक एक महिलालाई अमेरिकी संघीय कानुनबमोजिम मृत्युदण्ड दिइएको छ। गर्भवती महिलालाई हत्या गरेको अभियोगमा जेल सजाय भोगिरहेकी ५२ वर्षीया लिसा मन्टगमेरीलाई घातक सुई लगाएर बुधबार मृत्युदण्ड दिएको अमेरिकी न्याय विभागले जनाएको छ। 



जापानको समुद्री तटीय क्षेत्रमा भएको बाक्लो हिमपातमा परेर कम्तीमा १३ जनाको मृत्यु भएको जापानी उद्धारकर्मीहरूले जनाएका छन्। जापानी अग्नि तथा विपत् व्यवस्थापन निकायका अनुसार उक्त घटनामा परेर दुई सय ५० भन्दा बढी व्यक्ति घाइते भएका छन्। 



भारतीय सर्वोच्च अदालतले तीनवटै कृषि कानुन कार्यान्वयन नगर्न आदेश दिएको छ। अदालतद्वारा सरकारका नाममा मंगलबार जारी आदेशअनुसार अर्को आदेश नआएसम्मका लागि तीनैवटा कानुन कार्यान्वयन नगर्नु भनिएको छ।


सम्बन्धित सामग्री

छोटकरीमा : आज - २०७७ माघ ०२, शुक्रबार

आज 'विष्णु पौडेल पार्टी सदस्यसमेत नरहने गरी कारबाही प्रक्रियामा अघि बढ्यो प्रचण्ड-नेपाल समूह', 'संसद् विघटनविरुद्धका रिट संवैधानिक इजलासमै सुनुवाइ हुने', 'नेपालमा ‘कोभिसिल्ड’ खोपले पायो आपत्कालीन प्रयोग अनुमति', 'विश्वकै शक्तिशाली भएको दाबीसहित उत्तर कोरियाले प्रदर्शन गर्‍यो नयाँ हतियार' लगायतका विषयवस्तुहरू समावेश गरिएका छन्।

छोटकरी सम्पादक

छोटकरीमा : नयाँ कोरोना भाइरस

बेलायतमा कोभिड–१९ को नयाँ रूप देखिएको खबर बाहिरिएसँगै विश्वभर थप चिन्ता बढ्न थाल्यो। विश्व स्वास्थ्य संगठन, डब्लूएचओले यसअघि बेलायती अधिकारीहरुले खबर गरेको नयाँ रूपान्तरित कोरोना भाइरसको उत्पत्तिबारे बुझ्न बेलायतसँग नजिकी सम्पर्कमा रहेको जनायो। यो नयाँ रूपान्तरित भाइरस सुरुवाती भाइरसभन्दा धेरै तीव्रसाथ फैलन सक्ने बताइएको छ तर त्योभन्दा खतरनाक चाहिँ नभएको विश्वास गरिदै आइएको छ।

छोटकरी सम्पादक

छोटकरीमा : पौष महिना (अन्तर्राष्ट्रिय)

पौष महिना सुरु हुँदानहुँदै स्वरूप बदलिएर आएको कोरोना भाइरसले विश्वलाई पुन: त्रसित बनायो। त्यससँगै इजरायलमा संसद विघटन र अमेरिकी संसद भवनमा हमलाले विश्वलाई त्यतातर्फ खिच्यो। इरान र जापानको को हिमपहिरो, बारेन्ट्स समुद्रको डुंगा दुर्घटना, यमनस्थित एडेनको विमानस्थलमा आक्रमण,अल्जेरियाको सडक दुर्घटना लगायतका घटनाले ठूलो जनधनको क्षति गरायो। पौष महिनाभारको सम्पूर्ण गतिविधिहरू यहाँ सूचीकृत गरिएकाे छ।

छोटकरी सम्पादक

छोटकरीमा : पौष महिना (राष्ट्रिय)

यस महिना संसद विघटन र त्यसपश्चातको उतारचढाव राजनीतिक वृतमा चर्चाकाे विषय बन्याे। संसद विघटनको विरोधमा उल्टाे हिँड्नेदेखि लालटिन जुलुससम्म निकालियो भने प्रधानमन्त्रीको उक्त कदमबारे टिकाटिप्पणी भइरह्यो। यता, पौषको तेस्रो साता काठमाडौँ शहर विश्वकै प्रदुषित शहरको सूचीमा अग्रस्थानमा पुग्यो। देशभर बढेको चिसोले सीमा नाघेपछि जनजीवन कष्टकर बन्न पुग्यो। स्वरूप बदलिएको भनिएको कोरोनाले देशलाई त्रासमा राख्यो। यहाँ पाैष महिनाभरिका मुख्यमुख्य घटनाक्रमलाई सूचकाक्षर गरिएको छ।

छोटकरी सम्पादक

छोटकरीमा : पौष महिनाको राष्ट्रिय राजनीति

प्रधानमन्त्री केपी शर्मा ओलीले पुस ५ गते प्रतिनिधि सभा विघटन गरेपश्चात असन्तुष्ट प्रचण्ड-नेपाल पक्ष, प्रतिपक्षी दलहरू, विद्यार्थी संगठन तथा सचेत नागरिक समूहले चरणबद्ध रूपमा दिनहुँजसो विरोध प्रदर्शन गर्दै आएका छन्। अर्कोतर्फ ओली पक्षधर समूह नयाँ जनादेशमा जानु औचित्यपूर्ण भएको बताउँदै आएकाे छ। संसद विघटन भएको करिब एक महिना पुग्न लाग्दा राष्ट्रिय राजनीतिमा देखिएका सम्पूर्ण हलचललाई यहाँ सूचाकक्षर गरिएको छ।

छोटकरी सम्पादक

छोटकरीमा : आज - २०७७ माघ ०१, बिहीबार

आज 'प्रचण्ड-माधव नेतृत्वको कार्यदलले प्रतिवेदन बुझायो', आन्दोलन अझै प्रभावकारी बनाइने', 'चुनाव नगराए ओलीलाई देशमा बस्नै नसक्ने बनाउने देउवाको चेतावनी', 'मनाइयो माघी', 'कोरोना भाइरसको उत्पत्ति बारे अध्ययन गर्न डब्लूएचओको टोली वुहानमा', 'अमेरिकी राष्ट्रपति डोनाल्ड ट्रम्पलाई दोस्रोपटक महाभियोग' लगायतका विषयवस्तुहरू समावेश गरिएका छन्।

छोटकरी सम्पादक