२०७७ चैतमा तत्कालीन प्रधानमन्त्री केपी शर्मा ओलीले भव्य कार्यक्रमबीच बालुवाटारमा स्विच थिचेर प्रादेशिक एवं सडक निर्माण सुधार कार्यक्रमको शिलान्यास गरे । कार्यक्रम सुरुवात गर्दै ओलीले भनेका थिए, ‘मानिसलाई विश्वासै गर्न गाह्रो हुने गरी पूर्वाधार विकास गर्नेछौं ।’ तर पछि उनले भने जसरी पूर्वाधार विकास त भएन नै, शिलान्यास गरिएका कुनै पनि पालिकामा कालोपत्रे सडक पनि बनेनन् । तयारीबिनै शिलान्यास गर्दा काममा प्रगति नदेखिएको हो । स्रोत अभावमा यी सडकको काम अघि बढ्न नसकेको संघीय मामिला तथा सामान्य प्रशासन मन्त्रालयले जनाएको छ ।
