अमेरिकी सैनिकहरूलाई स्वदेश फिर्ता पठाउनुपर्ने माग गर्दै इराकमा हजाराँैले प्रदर्शन गरेका छन् ।
सरकारका विरुद्धमा लामो समयदेखि आन्दोलन र प्रदर्शन भइरहेको बेला राजधानी बग्दादमा नयाँ विषयमा प्रदर्शन भएको हो ।
बग्दादमा गत अक्टोबरदेखि सरकार परिवर्तन, अग्रीम निर्वाचन र भ्रष्टाचार न्यूनीकरणलगायतका माग राख्दै आन्दोलन भइरहेको थियो ।
बग्दादको जाडिरियाह जिल्लामा शुक्रबार बिहानै सुरु भएको प्रदर्शनमा हजारौँको संख्यामा पुरुष, महिला र बालबालिकाहरू सहभागी भएका थिए ।
‘अमेरिकी सेना फिर्ता जाऊ’ भन्दै प्रदर्शनकारीहरूले प्रदर्शनमा चर्का नारा लगाएका थिए ।
