काठमाडौं (अस) । आइएमई लाइफ इन्स्योरेन्समा वार्षिक अग्रिम भुक्तानी सावधिक जीवन बीमा योजना र सो योजनाअन्तर्गत घातक रोगको रक्षावरणसमेत हुने गरी २५ लाख रुपैयाँ बराबरको बीमा गराएका हिमाल पौडेललाई घातक रोग दाबीबापतको रकम भुक्तानी गरेको छ ।
कम्पनीको प्रदेश ३ हेटौंडा शाखा कार्यालयमा गत ०७६ माघ २९ गते आईएमई धन सरिता बीमा गरेको करिब १४ महिनामै क्यान्सर प्रमाणित भएका बीमित पौडेललाई उक्त दाबी भुक्तानी गरेको हो ।
कम्पनीले पछिल्लो समय विभिन्न २१ घातक रोगविरुद्ध रक्षावरण हुने बीमालेख योजना सञ्चालन गरिरहेको छ । कम्पनीले छिटो तथा प्रभावकारी ढंगबाट दाबी भुक्तानी फस्र्योट गर्ने लक्ष्य लिएको प्रमुख कार्यकारी अधिकृत कवि फुयाँलले जानकारी दिए ।
दाबी भुक्तानी समयमै हुँदा बीमित तथा निजमा आश्रित परिवारलाई बीमाबापतको लाभ उपलब्ध हुने, आर्थिक स्तरमा समेत थप सहयोग हुने र जीवन बीमाप्रति थप भरोसा रहने उनको भनाइ । निवेदन प्राप्त भएको १५ दिनभित्र उक्त दाबी भुक्तानी गरिएको कम्पनीले बताएको छ ।