काठमाडौं : बलिउड अभिनेता राजकुमार राओ र पत्रलेखा पलबीच विवाह भएको छ। राजकुमारले इन्स्टाग्राममा तस्वीर सार्वजनिक गर्दै ११ वर्षदेखिको प्रेम र मित्रता अन्ततः विवाहमा परिणत भएको बताएका छन्।दुवै परिवार, आफन्त र साथीभाइहरूको उपस्थितिमा उनीहरूको विवाह चन्डिगढमा सम्पन्न भएको हो। राजकुमारले सामाजिक सञ्जालमा पत्र लेखालाई सम्बोधन गर्दै उनको पति बन्न पाएकोमा ज्यादै खुसी भएको प्रतिक्रिया दिएका छन्।पत्र लेखाले पनि राजकुमार नै आफ्ना लागि सबथोक भएको बताएकी छन्।
