दोलखा । दोलखा सदरमुकाम चरिकोटमा १३ करोडको लागतमा होटल ‘एम्ब्रोसिया’ सञ्चालनमा आएको छ । चरिकोटका स्थानीय व्यवसायी दिनेश बस्नेतले उक्त लगानीमा दुईतारे स्तरको होटल सञ्चालनमा ल्याएका हन् । शनिवार उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले एक कार्यक्रमका बीच होटलको उद्घाटन गरे ।
होटल स्थापनामा करीब १३ करोड लगानी भएको होटलका सञ्चालक बस्नेतले बताए । होटलमा सातओटा सुइट तथा २८ ओटा डिलक्स रूम छन् । ५०० जना क्षमताको सभाकक्ष तथा अन्डर ग्राउन्ड पार्किङको व्यवस्था भएको होटलमा एकैपटकमा ८० जनालाई सेवा पुर्याउन सकिने रेष्टुराँ रहेको सञ्चालक बस्नेतले जानकारी दिए । दोलखा मनोरम पहाडी जिल्ला भएकाले यहाँको पर्यटन क्षेत्रमा बढी सम्भावना देखेकाले आफूले होटल व्यवसायमा लगानी गरेको उनको भनाइ छ ।
