Image Khabar

श्रावण २०८०

बाढीका कारण क्षतिग्रस्त कागबेनीकाे एक विद्यालयमा पठनपाठन बन्द

काठमाडौं । बाढीका कारण क्षतिग्रस्त भएको मुस्ताङको वारागुङ मुक्ति क्षेत्र गाउँपालिका– ४ कागबेनीमा स्थित जनशान्ति माध्यमिक विद्यालयको पठनपाठन बन्द भएको छ । गत साउन २८ गते कागखोलामा आएको बाढीले जनशान्ति मावि, वडा कार्यालय, प्रहरी चौकी, गुम्बा, मन्दिर, सडक तथा पुल बगाएको थियो । बाढीले यस क्षेत्रको २९ घर पूर्ण रुपमा र १३ घरमा आंशिक रुपमा […]

पूर्ण विवरण

सम्बन्धित सामग्री

बाढीले बगायो पाठ्यपुस्तक

सुनसरी (अस) । दशैं बिदापछि इटहरी क्षेत्रका विद्यालय खुल्न थालेका छन् । तर कात्तिक पहिलो साता बेमौसमी वर्षापछि आएको बाढीले पाठ्यपुस्तक बगाउँदा विद्यार्थीको पठनपाठन प्रभावित भएको छ । स्थानीय खोला र पैनीमा आएको बाढीले इटहरीका घर डुबानमा पर्दा विद्यार्थीका पाठ्यपुस्तक समेत काम नलाग्ने भएका थिए । बाढीले सबै पुस्तक कामै नलाग्ने बनाइदिएपछि आफू अब विद्यालय जाने÷नजाने दोधारमा रहेको कविर माविको कक्षा ६ मा अध्ययनरत छात्र सुसन घिमिरे सुनाउँछन् । ‘अघिल्लो वर्ष विद्यालयले नै पाठ्यपुस्तक दिएको थियो । त्यही पनि बाढीले बगाइदिएपछि यो वर्ष पुनः दिने हो या नदिने केही थाहा छैन,’ उनले भने । कोरोना कहरका कारण लामो समयदेखि बन्द इटहरी उपमहानगरका सामुदायिक तथा निजी विद्यालय गत आइतबारदेखि पुनः सञ्चालनमा आएका छन् । तर पाठ्यपुस्तक अभावले धेरैजसो बालबालिका विद्यालय जानबाट वञ्चित हुने अवस्थामा पुगेका छन् । बाढीका कारण विद्यार्थीको पाठ्यपुस्तक मात्र होइन, इटहरीका एक दर्जनभन्दा बढी सामुदायिक तथा निजी विद्यालयमा समेत क्षति पुगेको छ । बाढीले इटहरीस्थित केचना माविको पर्खाल भत्काएको छ भने मुख्य चोकमै अवस्थित जनता माविमा अझै पनि पानी जमिरहेको छ । त्यस्तै नमूना कलेज, जनता कलेज, पाथीभरा टेक्निकल कलेज, राष्ट्रिय जनसहयोग कलेज, पूर्वाञ्चल बोर्डिङ लगायत विद्यालयमा बाढीले क्षति पुर्‍याएको इटहरी उपमहानगरपालिका, शिक्षा शाखाले बताएको छ । बाढीबाट निजी तथा सामुदायिक विद्यालयमा अध्ययनरत करीब ३ हजार विद्यार्थी प्रत्यक्ष प्रभावित बनेको शिक्षा शाखाको अनुमान छ । अहिले क्षति विवरण संकलन कार्य भइरहेकाले विद्यार्थीलाई अवस्था हेरेर पाठ्यपुस्तक प्रदान गरिने शिक्षा शाखा प्रमुख सूर्यप्रसाद सुवेदीले बताए । विद्यालयको भौतिक संरचनामा पुर्‍याएको क्षतिबारे पुरै विवरण आइनसकेकाले यकीन नभएको उनको भनाइ छ ।

Aarthik Abhiyan आश्विन २०७८

मनाङका विद्यालय भवन सेनाले बनाउने

मनाङ । बाढीपहिरोका कारण क्षति पुगेका मनाङका विद्यालय नेपाली सेनाले बनाउने भएको छ । बाढीपहिराले क्षति पुर्‍याएका जिल्लाका विद्यालय भवन बनाउन नेपाली सेना तयार भएको हो । गत असार १ गते मर्स्याङ्दी नदीमा आएको बाढीले क्षति पुर्‍याएका चार विद्यालयको भौतिक पूर्वाधार निर्माण सेनाले गर्ने भएको शिक्षा विकास तथा समन्वय एकाइले बताएको छ । नासों गाउँपालिका–१ ताल गाउँस्थित भानु मावि, नासों–६ थोंचेस्थित प्रकाशज्योति मावि, नासों–३ स्थित धारापानी आधारभूत विद्यालय र चामे गाउँपालिका–४ स्थित लोकप्रिय माविको भवन निर्माण सेनाले बनाउने बताइएको छ । जिल्लाका नमूना विद्यालयका रूपमा रहेका लोकप्रिय माध्यमिक विद्यालय र प्रकाशज्योति माध्यमिक विद्यालयको आधा भाग बाढीले बगाएको छ । बाढीका कारण क्षति पुगेका विद्यालयमा पठनपाठन गराउन सकिने अवस्था नरहेको शिक्षा विकास तथा समन्वय एकाइका प्रमुख नारायणप्रसाद रेग्मीले बताए । चार ओटामात्रै माध्यमिक विद्यालय रहेको मनाङका विद्यालयमा नदी पसेपछि विद्यार्थीको भविष्य अनिश्चित बनेको छ । बाढीपहिरोले सडक सञ्जालबाट विच्छेद रहेका विद्यालय भवन निर्माणका लागि सेनाले सहयोग गर्ने भएको उनले जानकारी दिए । कोरोनासँगै बाढीपहिराको जोखिममा रहेका बालबालिकाको पढाइ नै अनिश्चित भएपछि सेनाले विद्यालय भवन निर्माण सहयोग गर्ने तत्परता देखाएको हो । नासों–१ ताल गाउँस्थित भानु माध्यमिक विद्यालयमा हालसम्म पनि मस्र्याङ्दी नदी बगिरहेको छ । ताल गाउँको बस्तीसँगै विद्यालय पनि पूर्णरूपमा जोखिममा छ । बाढीका कारण तीन माध्यमिक र एक आधारभूत विद्यालयमा क्षति पुगेको छ । यी विद्यालयमा पठनपाठन गराउन सक्ने अवस्था नरहेको बताइएको छ । त्यस्तै नासों–६ थोंचेस्थित डाँडाको टाकुरामा रहेको प्रकाशज्योति माध्यमिक विद्यालयलाई एकतर्फ मस्र्याङ्दी नदी र अर्कोतर्फ दूध खोलाले क्षति पुर्‍याएको छ । जिल्लाका चार माध्यमिक विद्यालयमा मनाङ ङिस्याङ गाउँपालिका–६ मनाङ गाउँस्थित अन्नपूर्ण माध्यमिक विद्यालय मात्रै बाढीबाट जोगिएको रेग्मीले जानकारी दिए । सदरमुकामस्थित चामे–४ को नमूना विद्यालय लोकप्रिय माध्यमिकको भवनमा मर्स्याङ्दी नदीको बाढीले पूर्णरूपमा क्षति पुगेको छ । कहिलेदेखि विद्यालयको भवन निर्माण थाल्ने, भौतिक संरचना निर्माण आवश्यक पर्ने सामग्री कसरी क्षति पुगेको स्थानसम्म पुर्‍याउनेलगायत प्राविधिक तथा सामाजिक, विधिगत विषयमा नेपाली सेनासँग छलफल भइरहेको प्रमुख जिल्ला अधिकारी विष्णु लामिछानले जानकारी दिएका छन् । ‘सडक सञ्जालबाट पूर्णरूपमा वञ्चित भएका छौं, विद्यालय विद्यार्थीको भविष्य निर्माणका लागि आवश्यक छ,’ उनले भने, ‘सडक सञ्जाल निर्माण छिटो भए सहज हुने थियो, पहल गरिरहेका छौं, अझैसम्म पनि वर्षा हुने क्रम जारी रहँदा समस्या थपिएको छ ।’ रासस

Aarthik Abhiyan श्रावण २०७८