काठमाडौं । गत मंगलवार सर्वाधिक मूल्य कायम भएको सुनको भाउ बुधवार (आज) तोलामा १०० रुपैयाँ घटेको छ ।
नेपाल सुनचाँदी व्यवसायी महासंघका अनुसार आज सुन तोलाको १ लाख ६ हजार २०० रुपैयाँ कायम भएको छ । हिजो सुनको मूल्यले रेकर्ड कायम राख्दा तोलाको १ लाख ६ हजार ३०० रुपैयाँ पुगेको थियो ।
बुधवार सुनको भाउ घट्दा चाँदीको भने स्थिर रहेको छ । आज चाँदीको मूल्य तोलामा १ हजार ३६५ रुपैयाँ तोकिएको छ ।
आज डलरको भाउ पनि बढेको छ । नेपाल राष्ट्र बैंकले बुधवारका लागि तोकेको विदेशी मुद्राको विनिमयदर अनुसार आज १ अमेरिकी डलरको विक्रीदर १३१ दशमलव ०६ रुपैयाँ कायम भएको छ । हिजो १ अमेरिकी डलरको विक्रीदर १३० दशमलव ५३ रुपैयाँ तोकिएको थियो ।
