अमेरिकी राष्ट्रपति डोनाल्ड ट्रम्पको ट्वीटर अकाउन्ट बन्द भएको छ ।
अमेरिकी संसद भवन क्यापिटल्स हिल्समा आक्रमण र तोडफोडमा उत्रिएका आफ्ना समर्थकलाई उत्तेजित पार्ने खालको ट्वीट गर्न थालेपछि उनको ट्वीटर अकाउन्ट बन्द गरिएको हो ।
अमेरिकी संसदमा आक्रमणका क्रममा एक जनाको मृत्यु भइसकेको छ ।
यसबीचमा ट्रम्पले शेयर गरेका भिडियो तथा पोस्टहरू फेसबूक तथा ट्वीटरले हटाएका छन् ।
हिंसात्मक पोस्ट गरेको भन्दै फेसबूक र ट्वीटरले ट्रम्पको भिडियो हटाएको बताइएको छ ।
