काठमाडौं। पछिल्लो २४ घण्टामा नयाँ संक्रमित थपिएसँगै नेपालमा सक्रिय कोरोना संक्रमितको संख्या ३१ हजार ६२९ पुगेको छ। स्वास्थ्य तथा जनसंख्या मन्त्रालयका अनुसार सबैभन्दा बढी सक्रिय संक्रमितहरु होम आइसोलेशनमा छन्। हाल होम आइसोलेशनमा २८ हजार ४०४ जना, संस्थागत आइसोलेशनमा तीन हजार २२४ जना, आईसीयुमा ६९० जना र भेन्टिलेटरमा १७५ जना संक्रमित छन्। सात प्रदेशमध्ये सबैभन्दा सक्रिय संक्रमित बागमती प्रदेशमा रहेका छन्।
