मंसिर २२, काठमाडौं । साताको चौथो कारोवार दिन बुधवार बजार खुलेको एक घण्टाको अवधिमा आकर्षक लाभांश दिने घोषणा गरेको फरवार्ड माइक्रोफाइनान्स वित्तीय संस्थाको सर्वाधिक शेयर खरीद विक्री भएको छ ।
कारोबारमा आएका २०६ ओटा धितोपत्रमध्ये उक्त कम्पनीकोे सर्वाधिक शेयर खरीदविक्री भएको हो । सो अवधिमा कम्पनीको रू. ३ करोड ४२ लाख ३९ हजार बराबरको शेयर खरीदविक्री भएको हो ।
यो समाचार तयार पार्दासम्म कम्पनीको शेयरमूल्य प्रतिकित्ता रू. २ हजार ६६९ मा कारोबार भइरहेको छ । कम्पनीले बुधवार शेयरधनीलाई आकर्षक लाभांश वितरण गर्ने प्रस्ताव गरेसँगै सर्वाधिक शेयर खरीदविक्री भएको हो ।
कम्पनीले गत अवाको मुनाफाबाट शेयरधनीलाई ३५ प्रतिशत बोनस शेयर र ७ प्रतिशत नगद लाभांश गरी कुल ४२ प्रतिशत लाभांश वितरण गर्ने प्रस्ताव गरेको छ ।
