नेपाल प्रहरीले कोभिडको तेस्रो भेरियन्टका क्रममा संक्रमित भएका प्रहरीहरुको स्वास्थ्य अवस्था भने जटिल नभएको जनाएको छ । नेपाल प्रहरीका प्रवक्ता प्रहरी वरिष्ठ उपरीक्षक विष्णुकुमार केसीले कोभिडको तेस्रो भेटियन्टबाट प्रहरीहरु पनि संक्रमित भएको तर स्वास्थ्य अवस्था जटिल नरहेको बताएका हुन् । उनले संक्रमितहरुको संख्या थपिँदै गएपनि नेपाल प्रहरीको काममा भने प्रभावित हुने अवस्था नरहेको स्पष्ट पारे । प्रवक्ता केसीले फ्रन्टलाइनमा खटिने प्रहरीहरूका लागि सहज ढंगले बुष्टर खोपको व्यवस्था मिलाइएको बताए ।
