वारेन बफेट : टिकटक चलाउँदैनन् तर, टिकटकमै 'भाइरल' छन्

काठमाडौं । 'लगानी गुरु' भनेर चिनिने अमेरिकी अर्बपति लगानीकर्ता वारेन बफेटले टिकटक चलाउँदैनन् । तर, टिकटकमा उनको भनाइ भएका भिडियोहरू भाइरल छन् ।  सन् १९९९ मा वफेटले शेयर खरीदसम्बन्धी टिप भएको आफ्नो पर्सलाई लिलामीमा बेचेर च्यारिटीका लागि २ लाख १० हजार डलर उठाएका थिए । बफेटको सो पर्स झन्डै २० वर्ष पुरानो थियो । उनले आफ्नो पर्सदेखि क्रिप्टोकरेन्सीसम्म बोलेको कुरा र यसबारेका टीकाटिप्पणीबारेका भिडियोले टिकटकमा दशौं हजार लाइक पाएका छन् ।  शेयर कसरी छान्नेदेखि सम्बन्धसमेतका विषयमा चर्चित टिकटक एकाउन्टहरूले ९२ वर्षीय लगानीकर्ता र बर्कशायर ह्याथेवेका सीईओको धारणा राखेर टिकटक बनाएका छन् । बफेटको भनाइ भएका सबैभन्दा चर्चित केही टिकटक भिडियोको सार :  १. यो मेरो सेलफोन हो । यो फोन बिग्रिनै लागिसक्यो । यो फोन मलाई अलेक्जान्डर ग्राह्म बेलले दिएका हुन् । मेरा पाँच ओटा ट्विट छन्, त्यो पनि अरुले मेरो लागि गरिदिएका हुन् । (एउटा अन्तरवार्तामा बफेट आफ्नो पुरानो फोन देखाउँदै थिए ।)  @saylesshustle, 104,000 likes  २. सायद ४०० वा ५०० डलर । म प्राय: यति नै बोक्छु । हेर्ने हो ? ठिकै छ, अधिकांश महिलाहरू कति छ भनेर चाहन्छन्, यो असामान्य होइन । (तपाईंको पर्समा के छ भनेर एक अन्तरवार्तामा सोधिएपछि जिस्किँदै बफेटले भनेका थिए ।)  @ambitiousvoices, 351,000 likes ३. म संसारको जुनसुकै घर किन्न सक्छु । तर, म अहिले बसिरहेको घरबाहेक अरु कुनै चाहान्न । यो घर मध्यमवर्गीय छिमेक छ । म एक जोडी खास्की र स्वेटरमै खुसी छु, मलाई फेन्सी कपडा चाहिन्न । मलाई फेन्सी खानेकुरा पनि चाहिएको छैन । @mediascaling, 109,000 likes ४. कसैले मलाई अमेरिकाको १ प्रतिशत कृषियोग्य भूमि वा १ प्रतिशत अपार्टमेन्ट घरहरू छ भन्छ भने म उसको नाममा यही मध्याह्नमै २५ अर्बको चेक बनाइदिन्छु । कसैले मलाई मसँग संसारभरको बिट्क्वाइन छ भन्छ अनि मलाई दिन्छ भने म उसलाई २५ डलर दिन्छु । तर, यसको सट्टामा एउटै बिट्क्वाइन लिन्न । मैले यो लिएर के गर्छु ? मैले फेरि यसलाई कुनै न कुनै रूपमा उसैलाई बेच्नु पर्छ । @thebillionairebros, 15,000 likes ५. मैले जे गरे त्यो गर्न तिमी जिनियश हुनै पर्दैन । दिमाग पनि चाहिँदैन, सही ‘ओरिएन्टेशन’ मात्रै भए पुग्छ । शेयर किन्ने ९० प्रतिशत मानिसहरूले सही ढंगले सोच्दैनन् । अर्को हप्तै भाउ माथि जान्छ भनेर सोध्छन् । अनि भाउ ओरालो लागेपछि नराम्रो महसुस गर्छन् । म त आजको दिनदेखि १० वा २० वर्षमा कम्पनी कतातिर जान्छ भन्ने सोच्छु । मैले किन्ने बेलामा भाउ झनै घटोस् भनेर प्रार्थना गर्छु ताकि म धेरै शेयर किन्न सकुँ । @investelligence, 22,000 likes ६. औसत मानिसहरू कुन शेयर किन्ने अनि कति बेला किन्ने भन्ने भेउ नै पाउँदैनन्, थाहा पाउनु पनि पर्दैन । उनीहरूले इन्डेक्स फन्डमार्फत अमेरिकाको जुनसुकै शेयर किन्न सक्छन् अनि यसलाई शेयरको लगानीलाई लामो समयसम्म नबेचि राख्न सक्छन् । समग्रमा यो पनि राम्रै हुन्छ । @buffetttrackerapp, 154,000 likes