वैशाख १९, काठमाडौं । अर्थसचिव मधुकुमार मरासिनीले मुलुकको आर्थिक क्षेत्रको विकासको लागि निजी क्षेत्रको सहभागिता अनिवार्य रहेको बताएका छन् ।
साथै उनले मुलुकको अर्थतन्त्रमा ७० प्रतिशत निजी क्षेत्रको योगदान रहेको भन्दै आगामी बजेटमा प्राप्त सुझावलाई समेटिने बताएका छन् ।
नेपाल उद्योग वाणिज्य महासंघको आयोजनामा सोमवार आयोजित आर्थिक वर्ष २०७९/ ८० को पूर्व बजेट अन्तरक्रिया एवं सुझाव पेश गर्ने कार्यक्रममा उनले आर्थिक क्षेत्रको सरकारले सुधारमा सरकार सक्रियताका साथ लागिरहेको बताए ।
उनले सबै कुरामा सरकारीको मात्र मुख ताक्न नहुने भन्दै निजी क्षेत्र र सरकारको प्रयासमा आर्थिक समृद्धि हासिल गर्न सकिने बताए । सरकारले नीति नियम निजी क्षेत्रमैत्री बनाउन लागेको भन्दै उनले राजस्व संकलन ले मात्र चालू खर्च धान्न नसक्ने अवस्था रहेको बताए । साथै उनले विकास निर्माणका धेरै काम गर्नुपर्ने अवस्था रहेको बताए ।
उनले भवन बनाउन पनि निजी क्षेत्रले सरकारको मुख ताक्ने गरेको बताए ।
कार्यक्रममा अर्थमन्त्री जनार्दन शर्मालगायतका अतिथिहरुले सम्बोधन गर्ने कार्यक्रम रहेको छ ।
