भैरहवा विमानस्थलमा बुद्ध एयरको जहाजको टायर पड्कियो, उडान- अवतरण पनि अवरुद्ध

काठमाडौं । रुपन्देहीको भैरहवास्थित गौतमवुद्ध अन्तरराष्ट्रिय विमानस्थलमा बुद्ध एयरको जहाजको टायर पड्किंदा उडान र अवतरण अवरुद्ध भएको छ । भैरहवाबाट काठमाडौं आउँदै गरेको बुद्ध एयरको जहाज धावन मार्गमा गुड्ने क्रममा टायर पड्किएको स्रोतले जानकारी दिएको छ । सोही कारण भैरहवा विमानस्थलमा अवतरण हुने जहाजलाई अरु नै विमानस्थलतर्फ डाइभर्ट गरिएको स्रोतको भनाइ छ । यात्रुहरुलाई अर्को जहाजबाट काठमाडौं पठाउन थालिएको र जहाजलाई प्राविधिक टिमले जाँच गरिरहेको कम्पनीले बताएको छ । यसैवीच उक्त कम्पनीले भैरहवाबाट काठमाडौं उडान नं.८५६, भैरहवा विमानस्थलमा जहाज रोलिङका क्रममा टायर फ्ल्याट भएको बताएको छ । उक्त जहाजका यात्रुहरुलाई अर्को जहाजबाट काठमाडौं ल्याउन लागिएको र सो जहाजलाई टेक्निकल टिमहरुले चेकजाँच गरिरहेको पनि कम्पनीले बताएको छ ।