अहिले हजारौं नेपाली युवा खाडीमुलुक जानसमेत आतुर र संघर्ष गरिरहेका छन् । तर बेलायत जस्तो युरोप पुगेका एक नेपाली युवा भने स्वदेश फर्केर व्यवसाय गर्न थालेका छन् । उदयपुर जिल्ला चौदण्डीगढी नगरपालिका–१० हँडिया घर भएका सन्तोषसिंह कार्कीले काठमाडौंको मनहरा फाँटमा लन्ड्रीपार्क नामक व्यावसायिक लन्ड्री सेवा उद्योग सञ्चालनमा ल्याएका छन् । बेलायतको आकर्षक तलब समेत छाडेर ७ वर्षपछि नेपाल फर्केका उनी आफ्नै देशमा केही गर्न चाहेको बताउँछन् ।
