परासी । नवलपरासीको सुनवलमा रक्तिम सांस्कृतिक अभियानको तेस्रो जिल्ला भेला सम्पन्न भएको छ ।
रक्तिम सांस्कृतिक अभियानका केन्द्रीय अध्यक्ष रेम राना प्रमुख आतिथ्यतामा २०७७ माघ २४ गते जिल्ला भेला सम्पन्न भएको हो ।
भेलालाई सम्बोधन गर्दै प्रमुख अतिथि रेम रानाले ठुला राजनैतिक परिवर्तन भए पनि सांस्कृतिक परिवर्तन नभएको कारण देशमा भ्रष्टाचार र व्यक्तिवादी सोच मौलाएको दावी गर्नुभयो । ‘त्यही कारण ओली सरकारको निर्णयले देश र जनताको उपलब्धि नष्ट गर्दा पनि जनसमर्थनमा ताली बजिरहेको हो, त्यसैले कलाकारले सांस्कृतिक चेतना जगाउन आवश्यक छ’ उहाँले भन्नुभयो ।
विषेश अतिथि राष्ट्रिय जनमोर्चा नेता कृष्णराज पौडेल र अन्य अतिथिहरू राष्ट्रिय जनमोर्चा जिल्लाध्यक्ष किसनबहादुर अधिकारी, राष्ट्रिय जनमोर्चाका जिल्ला सल्लाहकार उत्तमराज खरेल, अखिल नेपाल महिला सङ्घकी जिल्लाध्यक्ष सम्झना सुवेदी र अखिल नेपाल जनजाति सम्मेलनका जिल्लाध्यक्ष शेरबहादुर सूर्यवंशीले भेला सफलताको शुभकामना दिनुभएको थियोे ।
त्यसैगरी अखिल नेपाल शिक्षक सङ्घ जिल्ला सदस्य धनमाया थापा र अखिल नेपाल किसान महासङ्घ जिल्लाध्यक्ष जीतबहादुर पौडेलले निर्वाचित पदाधिकारीलाई बधाइ तथा शुभकामना दिनुभएको थियोे ।
भेलाले मेघराज गौतमको अध्यक्षतामा नौ सदस्यीय रक्तिम सांस्कृतिक अभियान नवलपरासी जिल्ला सङ्गठन समिति गठन गरेको छ; जसमा उपाध्यक्ष कुसुम आले, सचिव लक्ष्मणजङ्ग हमाल, सहसचिव विशाल परियार, कोषाध्यक्ष सीता थापा र सदस्यहरूमा अशु पुन, सृजना राना, निशा गौतम र कविता सापकोटा रहनुभएको छ ।
उक्त भेलाले मेघराज गौतम, लक्ष्मण हमाल, कुसुम आले, विशाल परियार, सीता थापा, अशु पुन, सृजना राना, निशा गौतम, कविता सापकोटा, सरिता दर्जी, पुष्पा खत्री, मेलिना सर्बुजा, शान्ति केसी, सृजना रोका, ईश्वर थापा, सलिना कुँवर, प्रतिमा रिजाल, शङ्कर थापालगायत २१ सदस्यीय रक्तिम सांस्कृतिक अभियानको जिल्लास्तरीय कलाकार टोली गठन गरेको छ ।
भेला मेघराज गौतमको अध्यक्षता, लक्ष्मणजङ्ग हमालको सञ्चालन र विशाल परियारको स्वागत मन्तव्यका साथ सम्पन्न भएको थियो ।