काठमाडौं (अस) । मोबाइल सेवाप्रदायक कम्पनी एनसेलले प्रतिष्ठित ‘ग्लोबल बिजनेस आउटलुक (जीबीओ) अवार्ड २०२१’ का दुई विधामा पुरस्कार जितेको छ । कम्पनीले जीबीओ अवार्डअन्र्तत ‘मस्ट सोसिएल्ली रेस्पोन्सिबल टेलिकम कम्पनी’ अर्थात् सबैभन्दा बढी सामाजिक रूपमा उत्तरदायी र लिडरसिप (नेतृत्व) विधामा एनसेलका कार्यकारी प्रमुख एन्डी चोङले टेलिकम सीईओ अफ द इअर’ अवार्ड जितेका हुन् ।
लन्डनस्थित प्रकाशनगृह जीबीओले हरेक वर्ष विश्वभरका कम्पनीलाई उत्कृष्टका आधारमा पुरस्कृत गर्दै आएको छ । यो अवार्ड बैंकिङ, वित्तीय, घरजग्गा, दूरसञ्चार, उड्डयन तथा विभिन्न क्षेत्रमा उत्कृष्ट काम गर्ने कम्पनी र नेतृत्वकर्तालाई दिइने गरेको छ । सम्बन्धित कम्पनीले स्थानीय, क्षेत्रीय तथा अन्तर्राष्ट्रिय स्तरमा पु¥याएको योगदानलाई सम्मान गर्दै यो अवार्ड दिइने गरेको एनसेलले बताएको छ ।
एनसेल वल्र्ड कम्युनिकेसन्स् अवार्ड २०२१ का दुई छुट्टाछुट्टै विधा सोसियल कन्ट्रिब्युसन अवार्ड र क्राइसिस रेस्पोन्स अवार्डका लागि पनि सूचीकृत भएको छ । यो पुरस्कार घोषणा आगामी अक्टोबर २६ र २७ मा टोटल टेलिकम कंग्रेस कार्यक्रममाझ लन्डनमा गरिनेछ । यस्तै, ग्लोबल क्यारियर अवार्ड (जीसीए) २०२१ अन्तर्गत वैदेशिक रोजगारीमा गएका मानिसका लागि ल्याएको योजनाका निम्ति एनसेल बेस्ट सोसल मिडिया क्याम्पियन अवार्डमा सूचीकृत भएको छ । पुरस्कार विजेताको घोषणा अक्टोबर २० मा लन्डनमै गरिने जीसीए कार्यक्रममा हुनेछ ।
‘जिम्मेवार कर्पोरेट नागरिकको रूपमा सामाजिक पहलअन्तर्गत हामीले समुदायमा पु¥याएको योगदानको कदरस्वरूप यो अवार्ड पाएकामा हर्षित छौं । शिक्षा, स्वास्थ्य र वातावरणजस्ता क्षेत्रलाई प्राथमिकतामा राख्दै देशको दिगो विकास लक्ष्य हासिल गर्न योगदान पु¥याउन विभिन्न सामाजिक परियोजनामा १ अर्ब ४० करोड रुपैयाँभन्दा बढी लगानी गरिसकेका छौं’, एनसेलका कार्यकारी प्रमुख चोङले भने ।
