बागमती प्रदेशसभा बैठक फागुन २९ गतेका लागि आह्वान गरिएको छ । करिव साढे दुई महिनादेखि बस्न नसकेको प्रदेशसभाको बैठक पुनः आह्वान गरिएको हो । प्रदेशसभा सचिवालयले बुधबार दिउँसो एक सूचना जारी गर्दै फागुन २९ गतेका लागि बैठक आह्वान गरेको हो । बैठक दिउँसो १ बजेका लागि आह्वान गरिएको छ ।यसअघि फागुन १६ गतेका लागि बोलाइएको बैठक प्रदेशसभा सचिवालयले अनिश्चितकालका लागि स्थगित भएको जनाएको थियो । सदनमा प्रमुख प्रतिपक्षी दल नेकपा एमालेको निरन्तरको अवरोधका कारण गत पुस ८ गतेदेखि प्रदेशसभाको बैठक बस्न सकेको छैन । गत फ
