नेपाल क्रिकेट संघले ललितपुर मेयर महिला च्याम्पियनसिपको खेल तालिका सार्वजनिक गरेको छ । पाँच टोली सहभागी मेयर कपको उद्घाटन खेलमा प्रदेश १ ले सशस्त्र प्रहरी बल(एपीएफ)सँग स्पर्धा गर्नेछ । प्रतियोगिताको सबै खेल कीर्तिपुरस्थित त्रिवि क्रिकेट ग्राउन्डमा हुनेछ । यसअघि काठमाडौं मेयर कप पुरुष च्याम्पियनशीप ५० ओभरको भएपनि ललितपुर मेयर कप च्याम्पियनसिप टी ट्वान्टी हुने नेपाल क्रिकेट संघले जनाएको छ ।
चैत्त २१ गतेबाट सुरु हुने प्रतियोगिताको फाइनल खेल चैत्त २८ गते हुनेछ । पहिलो दिनको दोस्रो खेलमा सुदूरपश्चिम प्रदेशले ललितपुर मेयर्स ११ को सामना गर्नेछ । चैत्त २२ गते हुने तेस्रो खेलमा एपीएफले सुदूरपश्चिम प्रदेशको सामना गर्दा चौथो खेलमा ललितपुर मेयर्स ११ ले लुम्बिनि प्रदेशसँग स्पर्धा गर्नेछ ।
