जिल्ला प्रहरी कार्यालयले श्रीमती हत्या गरेको आरोपमा चौरजहारी–१४, नुवाकोटका ४५ वर्षीय डिल्लीबहादुर रानालाई पक्राउ गरेको छ । ४१ वर्षीया श्रीमती ललिता रानाको हत्या गरेको आरोपमा प्रहरीले डिल्लीबहादुर रानालाई पक्राउ गरेको हो । जिल्ला प्रहरी कार्यालयका प्रहरी निरीक्षक थम्मबहादुर रजालीका अनुसार सोमबार राति १० बजे डिल्लीबहादुरले ललिताको हत्या गरेको बुझिन आएको छ । घरायसी कुरामा विवाद हुँदा हत्या भएको हुन सक्ने आशंका गरिएको उनले बताए ।
