काठमाडौं। ई–सेवा मनि ट्रान्सफर र साउदी अरेबियाको इन्जाज पेमेन्ट सर्भिसेज कम्पनीबीच रेमिट्यान्स भुक्तानी सम्बन्धी सम्झौता भएको छ । रेमिट्यान्स भुक्तानी सम्झौतामा एफवान सफ्ट गु्रपका अध्यक्ष विश्वास ढकाल र इन्जाज पेमेन्ट सर्भिसेज कम्पनीका प्रमुख कार्यकारी अधिकृत खालिद अल जैनले हस्ताक्षर गरेका छन् । यस सम्झौतासँगै साउदी अरेबियामा बसोबास तथा काम गर्दै आएका नेपालीले इन्जाज पेमेन्टका १५० शाखा, पीओएस, किओस्क वा मोबाइल एप र वेबसाइटबाट नेपालमा ई–सेवा मनि ट्रान्सफरमार्फत रेमिट्यान्स पठाउन सक्ने बताइएको छ ।
रेमिट्यान्स भुक्तानी सम्झौता कार्यक्रममा एफवान सफ्टका अध्यक्ष ढकालले इन्जाजका भौतिक र डिजिटल च्यानलमार्फत साउदी अरेबियामा कार्यरत नेपाली समुदायलाई सहज र सर्वसुलभ रेमिट्यान्स सेवा प्रदान गर्न पाउँदा हर्षित भएको बताए ।
