विराटनगर। भारतको स्वतन्त्रता दिवस (१५ अगस्ट)को समयमा कुनै अप्रिय घटना नहोस् भनेर सीमा सुरक्षा बल (एसएसबी)ले विराटनगरको रानी र भारतको जोगबनी नाकामा सुरक्षा कडा बनाएको छ । नेपालबाट भारत प्रवेश गर्नेहरूलाई एसएसबीले परिचयपत्र अथवा नेपाली नागरिकता देखाउनुपर्ने नियम लगाएको छ ।
नागरिकता तथा परिचयपत्रविना जोगबनी जानेहरूलाई दशगजाबाट नेपालतिरै फर्काइएको स्थानीयले बताएका छन् । १५ अगस्टको दिन आतंककारीले भारतका विभिन्न शहरमा एकसाथ सांघातिक आक्रमण गर्ने चेतावनी दिएकाले भारत सरकारले नेपालसँग सिमाना जोडिएका नाकामा उच्च सतर्कता अपनाएको हो । केही दिनअघि विहारको राजधानी पटनामा पाकिस्तानी र बंगलादेशी नागरिक पक्राउ परेका थिए । पक्राउ परेका व्यक्तिले आफूहरू जोगबनी नाका हुँदै भारत आएको बयान दिएपछि भारत सरकारले जोगबनी नाकामा उच्च सतर्कता अपनाएको हो । जोगबनी नाका भएर भारत–नेपाल आवतजावत गर्ने जो कोहीको हकमा एक सातादेखि व्यक्तिगत परिचय खुल्ने परिचयपत्र अनिवार्य गरिएको छ । शंकास्पद व्यक्तिलाई भारतीय सुरक्षाकर्मीले खानतलासी गर्न थालेका छन् ।
बंगलादेशी र पाकिस्तानी नागरिक भएको पुष्टि भएमा भारतीय सुरक्षाकर्मीले थप अनुसन्धानका लागि नियन्त्रणमा लिने गरेका छन् । नेपालबाट किनमेलका लागि जोगबनी जाने नेपालीको हकमा नेपाली नागरिकता र भारतबाट नेपाल आउने भारतीयको हकमा आधार कार्ड अनिवार्य गरिएको छ ।
नेपाली बजारमा सामसङ ग्यालेक्सी नोट १० उपलब्ध भएको छ । सामसङले यही सातादेखि नेपालभरका आधिकारिक आउटलेटमा यो फोन उपलब्ध गराएको हो ।
कम्पनीका अनुसार सामसङ ग्यालेक्सी नोट १० को बजार मूल्य १ लाख १६ हजार रुपैयाँ छ । नोट १० औरा ब्लाक र औरा ह्वाइटमा उपलब्ध छ ।
अगस्ट पहिलो साता यी दुई फोन अन्तर्राष्ट्रिय बजारमा सार्वजनिक गरिएको थियो । यो फोनलाई फोनबाट फोनभन्दा बढी अपेक्षा पूरा गर्ने फोन बनाइएको दाबी कम्पनीले गरेको छ ।
म्यानमारको उत्तरी प्रान्त रखाइनबाट बंगलादेश शरण लिने रोहिंग्या शरणार्थीको संख्या ५ लाख ३६ हजार पुगेको छ । अगस्ट अन्तिम सातादेखि अहिलेसम्म सो संख्यामा रोहिंग्या मुस्लिम बंगलादेश पुगेका संयुक्त राष्ट्रसंघले जानाकारी...पूरा पढ्नुहोस् »
