काठमाडौं : अमेरिकाको फ्लोरिडामा आठ वर्षीय बालकले चलाएको गोली लागेर एक वर्षीया बालिकाको मृत्यु भएको छ। आफ्नो बुबाको बन्दुक खेलाउने क्रममा उक्त घटना भएको सीएनएनले जनाएको छ। उक्त घटनापछि बालकका बाबु रोडरिक रान्डललाई गिरफ्तार गरिएको छ। उनमाथि लापरवाही गरेको र गैरकानूनी ढंगले बन्दुक राखेको तथा प्रमाण लुकाउने प्रयास गरेको आरोप लगाइएको छ।उक्त घटना एउटा होटलमा भएको थियो। रोडिकले होटलमा आफ्ना छोरा लगेका थिए भने उनकी प्रेमिकाले दुई वर्षीय छोरा र एक वर्षकी छोरी साथमा लगेकी थिइन्।
