काठमाडौं । काठमाडौं ब्याडमिन्टन एकेडेमीले १११औँ अन्तर्राष्ट्रिय नारी दिवसको अवसरमा चर्चित ब्याडमिन्टन खेलाडीलाई सम्मान गरेको छ ।काठमाडौंमा एक कार्यक्रमबीच एक दर्जन खेलाडीहरुलाई सम्मान गरिएको हो ।
सम्मानित हुनेमा अनुपमा मास्के श्रेष्ठ, विद्या भण्डारी थापा, वृन्दा पौडेल सिम्खडा, जयन्ती पाण्डे बस्नेत छन् । त्यस्तै कल्पना राणा, राजदेवी मानन्धर, रजनी मैया जोशी, रिता अधिकारी विष्ट, शान्ति मानन्धर, शिला केसी प्रधान, शुभ श्रेष्ठ र रिता थापालाई पनि सम्मान गरिएको छ ।
कार्यक्रममा खेल पत्रकार सरिता श्रेष्ठलाई पनि सम्मान गरिएको थियो।करिव डेढ दशक भन्दा लामो समयदेखि खेलकुद पत्रकारितामा संलग्न श्रेष्ठ हाल एभिन्युज टेलिभिजनमा आवद्ध छिन्।
सम्मानित पत्रकार श्रेष्ठले महिला र पुरुष बीचको विभेद खेलकुदमा पनि रहेकोले यसको अन्त्य हुनुपर्ने बताइन्। अखिल नेपाल फुटबल संघ (एन्फा)ले महिला र पुरुष दुवैलाई समान तलब दिएर सकारात्मक सन्देश दिएको भन्दै यसको सिको गर्दा कुनै पनि संघ सानो नहुने बताइन् ।
