नेपाल सरकारले कोरोनाको खोप उत्पादनमा तेस्रो चरण पार गरेका सबै कम्पनीहरुलाई खोप उपलब्ध गराउन पत्रचार गरेको जनाएको छ । खोप महाशाखाका प्रमुख डा.झmलकप्रसाद शर्माले तेस्रो चरण पार गरेका सबै कम्पनीहरुलाई पत्राचार गरेको र केही कम्पनीहरुले त्यसको प्रतिक्रिया जनाएको उहाँले बताउनुभयो ।
‘कम्पनीहरुसँग पत्राचार भएको छ ,कोभ्याक्सले अनुमती दिएसँगै खोप ल्याउने विषयमा कुराकानी भैरहेको छ’ शर्माले भन्नुभयो । उहाँले २ देखि ८ डिग्री सेल्सियससम्ममा भण्डारण गर्न मिल्ने खोपलाई पहिलो प्राथमिकतामा राखेर कुटनीतिक पहल गरिरहेको बताउनुभयो ।