ललितपुर महानगरका विभिन्न ठाउँमा बिजुली अवरुद्ध

काठमाण्डाै - ललितपुर महानगरपालिकाको विभिन्न ठाउँमा गएरातिदेखि बिजुली छैन । लगनखेल, सातदोबाटो, खुमलटारलगायतका ठाउँमा गएरातिदेखि विद्युत् सेवा अवरुद्ध भएको हो । हिजो बेलुकादेखि नै ती ठाउँमा झ्यापझ्याप बिजुली आउने जाने भइरहेको थियो । गएरातिदेखि बिजुली नहुँदा सेवाग्राही मर्कामा परेका छन् । अहिले बिहानदेखि प्राविधिक खटाएर मर्मतको काम थालिने विद्युत् प्राधिकरण लगनखेल वितरण शाखाले जनाएको छ ।