स्थानीय मंगलसेन नगरपालिका–५ मा बस्दै आएका बादी समुदाय निषेधाज्ञाका कारण समस्यामा परेका छन् । उनीहरू दिनहुँजसो गाउँघरमा पुगेर मागेको खाद्यान्नले गुजारा चलाउँदै आएका थिए । कोरोना संक्रमणसँगै भएको निषेधाज्ञाले उनीहरूलाई साँझबिहानको छाक टार्नै समस्या भएको हो । मागेर र बजारमा मजदुरी गरेर जीविकोपार्जन गरिरहेका बादी समुदाय यतिखेर नगरपालिका र अन्य निकायमा राहतका लागि गुहारिरहेका छन् ।
