चालु आर्थिक वर्षको जेठ महिनामा मात्रै ११ अर्ब २९ करोड ४६ लाख रुपैयाँ प्रत्यक्ष विदेशी लगानी (एफडीआई) प्रतिबद्धता आएको छ । चालु आर्थिक वर्षको साउनदेखि जेठसम्म ५४ अर्ब ८५ करोड ७८ लाख रुपैयाँ लगानी प्रतिबद्धता आएको उद्योग विभागले जनाएको छ ।
चालु आर्थिक वर्षको भदौ महिनामा प्रत्यक्ष वैदेशिक लगानी प्रतिबद्धतामा उल्लेख्य गिरावट आएको छ । उद्योग विभागको तथ्याङ्क अनुसार भदौ महिनामा चालु आवको दुई महिनामा १४ अर्ब रुपियाँ प्रत्यक्ष विदेशी लगानी प्रतिबद्धता आएको छ । भदौ महिनामा मात्र ५१ वटा परियोजनामार्फत दुई अर्ब ७२ करोड २४ लाख रुपियाँ प्रतिबद्धता आएको विभागले जनाएको छ । गत साउन महिनामा ६० उद्योगमार्फत ११ अर्ब ९३ करोड १८ लाख ३० हजार रुपियाँ लगानीको प्रतिबद्धता आएको हो । भदौ महिनामा उद्योग दर्तासँगै प्रतिबद्धता रकममा कमी आएको हो ।
काठमाडौं। चालू आर्थिक वर्ष (आव)को पहिलो दुई महीनामा विदेशी लगानीकर्ताले नेपालमा १४ अर्ब ६५ करोड ४२ लाख रुपैयाँ लगानी गर्ने प्रतिबद्धता गरेका छन् । चालू आव २०८०/८१ को साउन र भदौमा विदेशी लगानीकर्ताका १११ ओटा योजना स्वीकृत हुँदा नेपालमा उक्त लगानीको प्रतिबद्धता आएको हो ।
उद्योग विभागले सोमवार सार्वजनिक गरेको तथ्यांकअनुसार सबैभन्दा धेरै लगानी प्रतिबद्धता साउन महीनामा आएको छ । विभागले दुई महीनामा स्वीकृत गरेका योजनाको संख्यामा धेरै फरक नदेखिए पनि लगानी रकममा भने ठूलै अन्तर देखिन्छ । साउन महीनामा कुल ६० ओटा योजना स्वीकृत हुँदा कुल ११ अर्ब ९३ करोड १८ लाख रुपैयाँको लगानी प्रतिबद्धता आएको थियो ।
भदौ महीनामा योजना संख्या ५१ ओटा भए पनि लगानी प्रतिबद्धता भने २ अर्ब ७२ करोड २४ लाख रुपैयाँको मात्र आएको छ । नेपालमा आउने विदेशी लगानीकर्ताले उत्पादनमूलक, ऊर्जा, कृषि, पर्यटन, खनिज, सेवा, पूर्वाधार र सूचना तथा प्रविधि जस्ता क्षेत्रमा लगानी गर्न पाउँछन् । आठओटा क्षेत्रमा लगानी गर्न पाइने भए पनि लगानीकर्ताको रोजाइको मुख्य क्षेत्र भने सेवामूलक रहेको छ ।
विगतका वर्षमा जस्तै चालू आवको २ महीनाको प्रवृत्ति हेर्दा लगानीकर्ता सेवामूलक र पर्यटन क्षेत्रमै लगानी गर्न इच्छुक देखिएका छन्, जसले गर्दा साना, मझौला र ठूला उद्योगको वर्गीकरणमध्ये साना उद्योगमा संख्या बढी रहेको विभागको तथ्यांकले देखाएको छ । पहिलो दुई महीनामा स्वीकृत भएका योजनामध्ये पर्यटनमा ५३ र सेवामा ४४ ओटा छन् । यसबाहेक उत्पादनमूलक उद्योगमा ९, पूर्वाधार तथा सूचना प्रविधिमा दुई/दुई र कृषिमा एउटा मात्र योजना स्वीकृत भएको छ । विभागका अनुसार यी योजना सञ्चालनमा आउँदा मुलुकमा ५ हजार ५०२ रोजगारी सृजना हुनेछ ।
काठमाडौं । चालू आर्थिक वर्षको ८ महीनामा वैदेशिक लगानीको प्रतिबद्धता ३८ प्रतिशतभन्दा बढीले घटेको छ । उद्योग विभागको तथ्यांक अनुसार गत आवको साउनदेखि फागुनसम्ममा ३३ अर्ब ३३ करोड रुपैयाँको वैदेशिक लगानीको प्रतिबद्धता आएकोमा चालू आवको सोही अवधिमा २० अर्ब ५६ करोड रुपैयाँको मात्रै यस्तो प्रतिबद्धता आएको छ । यो रकम गत आवको सोही अवधिको तुलनामा १२ अर्ब ७७ करोड कम अर्थात् ३८.३१ प्रतिशत कम हो ।
चालू आवमा पुसमा धेरै
चालू आर्थिक वर्ष (आव)को फागुन मसान्तसम्ममा सबैभन्दा बढी वैदेशिक लगानीको प्रतिबद्धता पुसमा आएको छ । उक्त महीनामा ४ अर्ब ८५ करोड रुपैयाँको वैदेशिक लगानीको प्रतिबद्धता आएको थियो । सो आवमा सबैभन्दा कम वैदेशिक लगानीको प्रतिबद्धता मंसिरमा आएको छ । सो महीनामा ८० करोड रुपैयाँको वैदेशिक लगानीको प्रतिबद्धता आएको विभागको तथ्यांकले देखाउँछ । चालू आवमा १८३ उद्योगका लागि वैदेशिक लगानीको प्रतिबद्धता आएको हो ।
गत आवमा असोजमा बढी
गत आवमा भने सबैभन्दा धेरै वैदेशिक लगानीको प्रतिबद्धता असोजमा आएको थियो । सो महीनामा ११ अर्ब ९६ करोड ५० लाख रुपैयाँ वैदेशिक लगानीको प्रतिबद्धता आएको थियो । सबैभन्दा कम वैदेशिक लगानीको प्रतिबद्धता भने माघमा आएको थियो । उक्त महीनामा ५३ करोड ९५ लाख वैदेशिक लगानीको प्रतिबद्धता आएको विभागको तथ्यांकले देखाएको छ ।
विभागको तथ्यांक अनुसार हालसम्म ८ हजार ९४७ उद्योगका लागि २७ खर्ब ८२ अर्ब रुपैयाँको वैदेशिक लगानीको प्रतिबद्धता आएको छ । यी उद्योगहरूबाट ६ लाख ७० हजार २५५ जनाले रोजगारी पाएको विभागले जानकारी दिएको छ ।
चालू र गत आवको माघ मसान्तसम्मको वैदेशिक लगानीको प्रतिबद्धता
स्रोत : उद्योग विभाग ।
.jpg)
