पछिल्लो २४ घन्टामा मुलुकभर ७७ जनामा कोरोना संक्रमण देखिएको छ ।
यससँगै हालसम्म मुलुकभर कोरोना संक्रमितको संख्या २ लाख ७५ हजार ९ सय ६ पुगेको स्वास्थ्य तथा जनसंख्या मन्त्रालयले जनाएको छ ।
आइतवार १ सय ६ संक्रमित उपचारपछि निको भएका छन् । यससँगै हालसम्म निको हुनेको संख्या २ लाख ७१ हजार ९ सय २१ पुगेको छ ।
हाल मुलुकभर ९ सय ६९ जना सक्रिय संक्रमित रहेका छन् ।
आइतवार कोरोनाबाट ज्यान गुमाउनेको संख्या शून्य रहेको भने हालसम्म मृतकको संख्या ३ हजार १६ रहेको छ ।
