पोखरामा एक वृद्ध मृतावस्थामा फेला परेका छन् । धनुषाको जनकपुर उप–महानगरपालिका–१८ घर भई हाल पोखरा–३० ढुङगेपाटनस्थित त्रिभुवन शान्ती माविको निर्माणाधीन भवनमा काम गर्ने ७० वर्षीय शोगारथ मन्डल मृतावस्थामा फेला परेका हुन् ।उनी आफू बस्न बनाएको कोठा भन्दा अन्दाजी १५ मिटर उत्तरतर्फ रहेको शौचालयमा मृतावस्थामा फेला परेको गण्डकी प्रदेश प्रहरी कार्यालय पोखराले जनाएको छ । घटनाका बारेमा अनुसन्धान भइरहेको प्रहरीले जनाएको छ ।
