भक्तपुरमा एक वृद्ध जलेको अवस्थामा मृत फेला परेका छन् । भक्तपुरको चाँगुनारायण नगरपालिका–२ दुवाकोट फक्सिङ्टारमा शनिबार बिहान सोही स्थानका ८४ वर्षीय जगतप्रसाद शिल्पकार आफ्नै घरको भुईँ तलामा मृतावस्थामा फेला परेका हुन् ।कम्मरदेखि माथिको भाग जलेको अवस्थामा उनको शव तीन तले घरको भुइँ कोठामा फेला परेको हो । घटनाबारे शव पोष्टमार्टमका लागि केएमसी अस्पताल दुवाकोट भक्तपुर पठाएको प्रहरीले जनाएको छ । घटनाबारे थप अनुसन्धान भइरहेको प्रहरीले जानकारी दिएको छ ।
