अघिल्लो रात परेको पानीका कारण सोमबार तेस्रो तथा अन्तिम एकदिवसीय ठ्याक्कै तीन घण्टा ढिलो सुरु भयो । तर, त्रिवि क्रिकेट मैदानको सेन्ट्रल पिच यसरी सुख्खा राख्ने प्रयास गरिएको थियो कि त्यसले आखिरमा ब्याटरलाई मज्जाले मदत गर्यो । त्यसलाई त्यति सुख्खा पनि राखिएको थिएन, जसले स्पिन बलिङलाई मदत गरोस् । त्यसमाथि भाग्य दाहिने भएपछि के चाहियो र ? नेपालले जिम्बावे ‘ए’ लाई निर्णायक खेलमा हराएर एकदिवसीय शृंखला २–१ ले जितेको छ ।
