शुक्रबारदेखि शिल्पी थिएटरमा चे शंकरको सहिद ‘गंगालाल’

काठमाडौँ-शिल्पी थिएटर, बत्तीसपुतलीमा माघ १९ गते शुक्रबारदेखि २९ सम्म सहिद गंगालाल श्रेष्ठको जीवनमा आधारित नाटक गंगालाल मञ्चन हुने भएको छ। गंगालाल फाउन्डेसन र गार्डेन थिएटरको सहकार्यमा निर्माण भएको नाटक चे शंकरको लेखन तथा निर्देशनमा तयार भएको हो। नाटकमा सहिद गंगालाललाई क्रान्तिकारी मात्र नभई एक पूर्ण मानिसको रुपमा प्रस्तुत गरिएको निर्देशक चे शंकरले बताए। विक्रम संवत […]

पूर्ण विवरण

सम्बन्धित सामग्री

फर्किए गंगालाल

के हामीले चार सहिदका जीवन नजिकैबाट नियालेका छौं ? तिनका बलिदान–कथा पढेसुनेका त छौं, तर तिनका जीवनलाई निकै गहिराइबाट महसुस गरेका वा बुझेका छौं ? आउनुस् एकछिन शिल्पी थिएटर जाऔं र हाम्रा प्रिय सहिदका जीवन–कथामा पसिहेरौं । निर्देशक चे शंकरले नाटक ‘गंगालाल’ मार्फत चारमध्येका कान्छा सहिद गंगालाल श्रेष्ठको जीवन गहिराइमै बुझाउने प्रयास गरेका छन् ।

कान्तिपुर माघ २०८०

गङ्गालाल, समयको पीडा र ‘दी जु स्टोरी’ मञ्चन

शिल्पी थिएटर, बत्तिसपुतलीमा आजबाट सहिद गङ्गालाल श्रेष्ठको जीवनमा आधारित नाटक ‘गङ्गालाल’ मञ्चन सुरु भएको छ । गङ्गालाल फाउन्डेसन र गार्डेन थिएटरको सहकार्यमा निर्माण भएको नाटक चे शङ्करको लेखन तथा निर्देशनमा तयार भएको हो । नाटकमा सहिद गङ्गालाललाई क्रान्तिकारी मात्र नभई एक पूर्ण मानिसका रूपमा प्रस्तुत गरिएको निर्देशक चे शङ्करले बताउनुभयो । विक्रम संवत् १९९१ देखि १९९७ सम्म नेपाली राजनीतिक परिवेशमा घटेका घटनाक्रम र सहिद गङ्गालालका जीवनका घटनालाई आधार मानी नाटकको कल्पना गरिएको उहाँले बताउनुभयो । नाटक गङ्गालालमा सहिद धर्मभक्त, शुक्रराज, दशरथका साथै तत्कालीन नेताहरू टङ्कप्रसाद आचार्य, गणेशमान सिंह र कवि सिद्धिचरण श्रेष्ठसमेत पात्र बनेर मञ्चमा देखिने छन् । विद्यार्थी, शिक्षक, राजनीतिज्ञ, लेखक र कलाकारले गङ्गालाललाई फरक पाटोबाट चिन्नु र हेर्नुपर्ने लेखक निर्देशक चेले बताउनुभयो । सहिद दिवसको सन्दर्भमा प्रदर्शन गरिएको यो नाटक बुधबार नाचघरमा प्रथम मञ्चन गरिएको थियो ।

गोरखापत्र पौष २०८०