पुस १२, काठमाडौं । साताको दोस्रो कारोबार दिन सोमवार बजार खुलेको पौने तीन घण्टाको अवधिमा मध्य भोटेकोशी कम्पनीसहित पाँच ओटा धितोपत्रमा उच्च खरीद माग रहेको छ ।
कारोबारमा आएका २२९ओटा धितोपत्रमध्ये मध्य भोटेकोशी जलविद्युत् कम्पनीसहित पाँच ओटा धितोपत्रमा उच्च खरीद माग रहेको छ । मध्य भोटेकोशी जलविद्युत् कम्पनी,गोर्खाज फाइनान्स,सन्राइज फष्ट म्युचुअल फण्ड, सानिमा इक्विटी फण्ड र प्रभु सेलेक्ट फण्डको इकाईमा उच्च खरीद माग रहेको छ ।
ती पाँच ओटा धितोपत्रमध्ये सबैभन्दा बढी मध्य भोटेकोशी जलविद्युत् कम्पनीको १४ लाख ११ हजार ४०८ कित्ता शेयर खरीद माग रहेको छ ।
त्यसैगरी गोर्खाज फाइनान्सको ३ लाख ४७ हजार ३७१ कित्ता,सन्राइज फष्र्ट म्युचुअल फण्डको ३ लाख १६ हजार २५० इकाई ,सानिमा इक्विटी फण्डको १ लाख ८७ हजार ५०० इकाई र प्रभु सेलेक्ट फण्डको १ लाख ४८ हजार ७१० इकाई खरीद माग रहेको छ ।
यो समाचार तयार पार्दासम्म नेप्से परिसूचक अघिल्लो कारोबार दिनको तुलनामा ३१ दशलमव ३२ अंक घटेर २ हजार ५६० दशमलव ११ विन्दुमा रहेको छ ।
