अर्थमन्त्री विष्णु पौडेलले सहकारी अभियान समाजवाद निर्माणको जग रहेको बताउनुभएको छ । उहाँले अर्थतन्त्रको महŒवपूर्ण एउटा खम्बाका रूपमा रहेको सहकारी अभियानलाई काम गर्ने वातावरण निर्माण गर्न सरकार प्रतिबद्ध रहेको पनि बताउनुभयो ।
राष्ट्रिय सहकारी महासङ्घको सोमबार आयोजित २८औँ वार्षिक साधारण सभालाई सम्बोधन गर्दै उहाँले भन्नुभयो, “सरकारले गर्नुपर्ने कामबारे एउटै टेबुलमा सबै बसेर समाधानको मार्ग पहिल्याउन सकिन्छ । त्यसका लागि यहाँहरू तयार हुनुहोला । अब गुनासो गर्ने होइन, अग्रगामी रूपमा अगाडि बढ्ने हो । ”