कांग्रेसले आफ्ना चार संस्थापकमध्ये एक सूर्यप्रसाद उपाध्यायलाई तीन दशकसम्म उपेक्षा गर्यो । बीपीसँग दूरीमा रहेका सूर्यप्रसादलाई संस्थापक नेताकै रुपमा सम्मान गर्ने सभापति शेरबहादुर देउवाले प्रतिवद्धता जनाएका छन् ।
संस्थापक बीपीलाई सम्झिराख्ने कांग्रेसलाई योपल्ट साहित्यकार विश्वेश्वरप्रसाद कोइराला सम्झने चाहना जागृत भएको छ । त्यसैबमोजिम बीपीको ११०औं जन्मजयन्तीलाई कांग्रेसले साहित्यकेन्द्रित भएर सम्झना गर्न लागेको हो ।
