काठमाडौँ– राष्ट्रपति विद्यादेवी भण्डारीले महाशिवरात्रिको अवसरमा पशुपतिनाथ मन्दिर पुगेर पूजाआजा गरेकी छन्। महाशिवरात्रिको अवसरमा राष्ट्रपति भण्डारी मंगलबार पशुपतिनाथ मन्दिर पुगेर भगवान शिवको विशेष पूजाआजा गरेकी हुन्। नेपालका राष्ट्राध्यक्षले आराध्यदेव पशुपतिनाथको दर्शन गर्ने प्रचलनअनुसार उनले पशुपतिनाथको दर्शनसँगै पुजाआजा गरेकी हुन्। आज महाशिवरात्रिको अवसरमा देशभरका शिवालयहरुमा भक्तजनहरुको भीड लागेको छ।
