नेपाल दूरसञ्चार कम्पनी (टेलिकम) ले स्प्रिङ अफर ल्याएको छ । यो योजना बिहीबारदेखि लागू भई आगामी वैशाख २५ गतेसम्म कायम रहने कम्पनीले जनाएको छ । जीएसएम तथा सीडीएमए मोबाइलमा अल टाइम डाटा प्याकेज प्रयोग गर्न सकिनेछ । कम्पनीले यसअघि उपलब्ध गराएका विभिन्न प्याकेजमा १४ प्रतिशत थप बोनस डाटा उपलब्ध गराएको कम्पनीले जनाएको छ । अब थप बोनससमेत गरी अल टाइम डाटा प्याकअन्तर्गत १० रुपैयाँमा तीन दिनसम्म चौबीसै घण्टा उपभोग गर्न पाउने गरी २३ एमबी डाटा उपलब्ध हुनेछ ।
