चितवन : चितवन राष्ट्रिय निकुञ्जमा एउटा भाले गैंडा मृत फेला परेको छ। आज (आइतबार) बिहान ७ बजे निकुञ्जको क्षेत्रभित्र रिउ खोलाको किनारनजिक दलदलमा फसेको अवस्थामा अन्दाजी २९ वर्षको गैंडा मृत भेटिएको हो।निकुञ्जका सूचना अधिकारी गणेशप्रसाद तिवारीले आज बिहान भासिएर फसेको अवस्थामा उक्त बुढो गैंडा मृत फेला परेको जानकारी दिए। प्राकृतिक कारणले मरेको कारण गैंडाको खाग र खुर सुरक्षित रहेको उनले बताए।
