पहिलो पोस्ट

कार्तिक २०७७

अन्तिम अवस्थामा मात्रै अस्पताल पुग्दा संक्रमितको मृत्यु दर बढ्दो, 'परीक्षण गर्ने घट्दा प्रदेश १ मा कम देखियो कोरोना संक्रमित'

विराटनगर : प्रदेश १ मा कोरोना संक्रमण दर घट्दो छ। असोजको अन्त्यतिर दैनिक ५ सयको हाराहारीमा संक्रमित देखिएको थियो। प्रदेश १ को सामाजिक विकास मन्त्रालयको पछिल्लो तथ्यांकअनुसार कोरोना संक्रमितको संख्या २७ हजार २६२ पुगेको छ। यो समाचार तयार पार्दासम्म जसमध्ये २२ हजार २८५ जना कोरोना संक्रमणमुक्त भइसकेका छन्। ३७६

पूर्ण विवरण

सम्बन्धित सामग्री

प्रादेशिक सञ्चार प्रतिष्ठानले गर्‍यो पत्रकारका परिवारलाई सहयोग

विराटनगर (अस) । प्रदेश १ प्रादेशिक सञ्चार प्रतिष्ठानले कोभिड–१९ संक्रमित भई गम्भीर अवस्थामा बिरामी भएका र मृत्यु भएका ९ जना पत्रकारको परिवारलाई २ लाख ७५ हजार रुपैयाँ सहयोग वितरण गरेको छ । प्रतिष्ठानका कार्यकारी निर्देशक यज्ञ शर्माले एक विज्ञप्ति जारी गरी सहयोग गरिएको रकम सार्वजनिक गरेका हुन् । कोरोना संक्रमित भई गम्भीर अवस्थामा अस्पताल भर्ना भई अक्सिजनको सहयोग लिई वा सघन उपचार कक्षमा उपचार गराएका वा उपचारको क्रममा मृत्यु भएका पत्रकारको परिवारलाई आर्थिक सहयोग गर्ने निर्णय बमोजिम सहयोग रकम हस्तान्तरण गरिएको विज्ञप्तिमा उल्लेख छ । प्रतिष्ठानले पाँचथरका मृतक पत्रकार एकराज भण्डारीको परिवार र सुनसरीका मृतक पत्रकार चन्द्र न्यौपानेको परिवारलाई प्रतिपरिवार ५० हजार रुपैयाँ हस्तान्तरण गरिएको छ । यस्तै २५ हजार रुपैयाँका दरले सहयोग पाउने पत्रकारहरूमा ओखलढुंगाका दीपेन्द्र रुम्दाली र जुद्धबहादुर राई, भोजपुरका सुरेन्द्र राई, झापाका पर्वत पोर्तेल, इलामका बुद्धवीर राई, खोटाङका लोकमणि रिजाल र उदयपुरका हरिकुमार राई रहेका छन् ।

Aarthik Abhiyan आषाढ २०७८

वीपी प्रतिष्ठानमा संक्रमितको उपचारमा लापरबाही भएको आरोप

जेठ ४, धरान । धरान स्थित वीपी कोइराला स्वास्थ्य विज्ञान प्रतिष्ठानको कोभिड–१९ अस्पतालमा उपचारमा आएका कोरोना संक्रमित बिरामीहरुको उपचारमा लापरबाही हुने गरेको बिरामीका कुरुवाहरुले आरोप लगाएका छन् । प्रतिष्ठानको कोभिड–१९ अस्पताल ‘लेभव थ्री’ को अस्पताल हो । अस्पतालमा सुविधायुक्त १०० बेड रहेका छन् । दक्ष जनशक्ति परिचालन गरेर कोभिड संक्रमित बिरामीको उपचारमा लागिरहेको दाबी अस्पतालले गर्दै आएपनि बिरामीका कुरुवाहरुले भने उपचारमा लापरबाही भएको आरोप लगाउँदै आएका छन् । छोरालाई कोरोना संक्रमण पुष्टि भए भएपछि कोभिड अस्पतालमा उपचार गराईरहेका ताप्लेजुङका छविराम नेपालीले कोभिड अस्पतालमा व्यवस्थापन फितलो हुँदा बिरामीको राम्रो उपचार नभएको गुनासो पोखे । उनले भने, ‘मैले ११ वर्षको छोरा कोभिड भएर ल्याएको एक हप्ता भयो, अस्पतालले खासै हेर्ने गरेको छैन, धेरै लापरबाही छ ।’ यस्तै गुनासो सप्तरीका जगदिश कुसहवाको पनि छ । बुबालाई कोभिड भएर स्वासप्रश्वासमा समस्या भएपछि उपचारका लागि प्रतिष्ठान ल्याए पनि चिकित्सक तथा नर्सहरुले राम्ररी नहेर्ने गरेको उनले बताए । उनले भने, ‘बिरामीको अवस्थाका बारेमा बेलाबेलामा आफन्तलाई जानकारी गराउनु पर्ने भएपनि त्यस्तो जानकारी नगराउने सोधिहाले पनि राम्ररी जवाफ नदिने प्रवृति कोभिड अस्पतालमा रहेको छ, यो सुधार हुनुपर्छ ।’ उनले बिरामीका आफन्तले पठाइदिएको खाना समेत बिरामीलाई समयमै नदिने, औषधि समयमै नदिने लगायतका गैर जिम्मेवारी काम कोभिड अस्पतालमा भएको गुनासो गरे । बिरामीलाई समयमा खाना नदिने र बिरामीको अवस्थाको बारेमा कुरुवालाई राम्ररी जानकारी नदिने गरेको उनीहरुको भनाइ छ । बिरामीको उपचारमा ध्यान नदिएको गुनासो एकातिर छ भने अर्कोतिर बिरामीका कुरुवाहरुलाई खान र बस्नको पनि समस्या हुन थालेको छ । कोभिड अस्पतालका लागि कुरुवा घर निर्माण भए पनि पानी परेको बेला समस्या हुने गरेको सप्तरीका बिरामीका कुरुवा विद्यानन्द साह बताउँछन् । पानी परेको समयमा पालले थेग्न नसक्दा समस्या हुने गरेको उनको भनाइ छ । लकडाउनका कारण बाहिर होटलहरु बन्द हुँदा खानाको पनि समस्या हुने गरेको छ । केही दिन यता धरान १७ स्थित एक संस्थाले खानाको व्यवस्था गरिदिए पछि राहत मिलेको उनी बताउँछन् । उनले भने, ‘कुरुवाहरुलाई बस्नसँगै खानाको पनि समस्या हुन थालेपछि खानाको व्यवस्था सचेत नागरिक समूह धरान–१७ ले निःशुल्क गरिदिएको छ, यसले हामीलाई धेरै सहज भएको छ ।’ यता प्रतिष्ठान व्यवस्थापनले भने कोभिड अस्पतालमा राम्रो व्यवस्थापन रहेको दाबी गरेको छ । प्रतिष्ठानका सह प्रवक्ता चुरामणि पोख्रेलले बिरामीको उपचार प्रभावकारी रुपमा भइरहेको दावी गरे । उनले बिरामीको मनोबल उच्च राख्नको लागि काउन्सिलिङ गराउने, योगा गराउने, पोषिला खानेकुरा खुवाउने लगायतको कार्य निरन्तर रुपमा उपलब्ध गराउँदै आएको बताए । उनले भने, ‘साना तिना समस्या होलान् तर बिरामीलाई गर्ने व्यवहार लगायत उपचारमा कुनै कमी भएको छैन, यसमा कोभिडमा खटिएका सबै गम्भीर छन् ।’ प्रतिष्ठानमा प्रदेश १ र प्रदेश २ का सबै संक्रमित बिरामी उपचार सेवा लिन प्रतिष्ठान आउने गरेका छन् । प्रतिष्ठानमा हालसम्म १ हजार ३९८ जना भर्ना भएका छन् भने १ हजार १२ जना उपचार पछि निको भएर घर फर्किएका छन् । कोरोनाको दोस्रो लहर देखा परेसँगै प्रतिष्ठानमा कोरोना संक्रमितको मृत्यु हुनेको संख्या १६५ जना पुगेको छ भने हाल प्रतिष्ठानमा ६५ जना कोभिड संक्रमितको उपचार भइरहेको प्रतिष्ठानले जानकारी दिएको छ ।

Aarthik Abhiyan बैशाख २०७८

वीपी प्रतिष्ठानमा खपतभन्दा चार गुणा बढी अक्सिजन

वैशाख १८, धरान । छिमेकी मुलुक भारतमा अक्सिजन नपाएरै कोरोना संक्रमितहरुको मृत्यु बढ्दै गएपछि नेपालमा पनि अक्सिजनको अभाव हुने चिन्ता हुन थालेको छ । अहिले जटिल अवस्थाका बिरामीहरूको संख्या बढ्दै गएको र अस्पताल भर्ना भएका धेरैलाई अक्सिजन दिनुपर्ने अवस्था आइरहेको छ । प्रदेश १ मा पनि कोरोना संक्रमित बढ्दै गएपछि कोभिड अस्पतालहरु तयारी अवस्थामा राख्न थालिएको छ । अझ अक्सिजनको कमी हुन नदिन सबैको चासो बढेको छ । प्रदेश सरकारले पनि अक्सिजनको कमी हुन नदिन अक्सिजन प्लान्ट निर्माण गर्नेतर्फ पनि योजना अघि सारेको छ । सोमवार मुख्यमन्त्री शेरधन राईले धरान स्थित वीपी कोइराला स्वास्थ्य विज्ञान प्रतिष्ठानको कोभिड अस्पतालको तयारीको अवस्थामा बुझ्दै अक्सिजन पर्याप्त मात्रामा राख्न निर्देशन समेत गरेका छन् । प्रतिष्ठानको आफ्नै अक्सिजन प्लान्ट हुँदा पनि पहिलो चरणको कोरोना संक्रमणको बेलामा कोभिड अस्पतालमा अक्सिजनको अभाव हुँदा संक्रमितहरुको मृत्यु समेत भएको थियो । अहिले भने पूर्णरुपमा धान्न सक्ने अवस्थामा तयारी गरेको प्रतिष्ठानले जानकारी दिएको छ । अघिल्लो वर्षको कोरोना संक्रमणको समयमा कोभिड अस्पताल पूर्णरुपमा तयारी नहुँदा बिरामीहरुले अक्सिजन पाउन नसक्दा आलोचना खेप्नु परेको थियो । प्रतिष्ठानका सहप्रवक्ता डा. चुरामनी पोखरेलका अनुसार अहिले प्रतिष्ठानको आफ्नै अक्सिजन प्लान्टबाट प्रति मिनेट १ हजार ६०० लिटर अक्सिजन उत्पादन भइरहेको छ । खपत क्षमताभन्दा चार गुणा बढी अक्सिजन उत्पादन हुने गरेको उनले बताए । उनले भने, ‘अघिल्लो वर्ष ४ ओटा टावलमध्ये दुई ओटा मात्रै सञ्चालनमा थियो, २ ओटा बिग्रिएको थियो, त्यसैले प्राविधिक समस्या भयो, अहिले फुल फेसमा ४ ओटै टावल सञ्चालनमा छन्, त्यसैले कुनै समस्या आउँदैन ।’ प्रतिष्ठानका सबै विभागहरुमा प्रयोग भएको अक्सिजन ४०० देखि ५०० लिटर प्रति मिनेट रहेको छ । खपतभन्दा पनि चार गुणा बढी उत्पादन भएकाले कुनै समस्या नआउने पोखरेलको भनाइ छ । उनले भने, ‘पिक आवरमा पनि ४० प्रतिशत मात्रै खपत हुने गरेको छ, कोभिड अस्पतालमा १०० जना बिरामी नै भर्ना भए पनि धान्न सक्ने अवस्थामा रहेको छ ।’ प्रतिष्ठानमा उत्पादन भएको अक्सिजन करीब ४०० देखि ५०० बिरामी भर्ना भए पनि धान्न सक्ने छ । कोभिड अस्पतालमा पूरै १०० बेडमै अक्सिजन पाइपलाइन विस्तार गरिसकेको छ । पाइपलाइनमा कुनै समस्या आए विकल्पका लागि सिलिण्डरबाट पनि पाइपलाइनमा जोड्न सकिने व्यवस्था गरिएको छ । अहिले स्टक राख्नु पर्ने अवस्था नरहेपनि बिरामीको संख्या बढ्दै गएमा तयारी रहन सिलिण्डर थप गर्ने तयारी गरिएको उनले बताए । उनले भने, उत्पादन क्षमता अधिकतम हो, भोलिका दिनमा सर्टेज हुन सक्ने कुरालाई मध्यनजर गर्दै प्लान्ट थप्ने कि भन्ने कुरा पनि हुँदैछ, तर ठोस निर्णय भएको छैन ।’

Aarthik Abhiyan चैत्र २०७७