पाकिस्तानको लाहौरमा भएको बम विस्फाेटमा कम्तीमा दुई जनाको मृत्यु भएको छ । बुधबार लाहौरस्थित एक आबासीय क्षेत्रमा उक्त विस्फाेट भएको समाचार संस्था एएनआईले जनाएको छ ।
लाहौरको जोहार शहरस्थित एक अस्पताल नजिक विष्फोट भएको हो । पाकिस्तानको एआरवाई समाचारले राजधानीका एक प्रहरी अधिकारीलाई उद्धृत गर्दै कम्तिमा दुईजनाको मृत्यु र १७ जना घाइते भएको उल्लेख गरेको छ । विष्फोटको कारण अझै खुल्न नसकेको प्रहरी अधिकारीले बताएका छन् ।
