वैशाख १३, काठमाडौं । साताको तेस्रो कारोबार दिन मंगलवार नेप्से परिसूचकसँगै कारोबार रकम पनि घटेको छ ।
यस दिन नेप्से परिसूचक १५ दशमलव शून्य २ अंक घटेर २ हजार ३७० दशलमव ९९ विन्दुमा झरेको हो । कारोबारमा आएका २२८ धितोपत्रको ३४ लाख १९ हजार २२८ कित्ता शेयरको २५ हजार ७६६ पटकमा रू. १ अर्ब ४ करोड ६० लाख १४ हजार ४१७ बराबरको शेयर खरीदविक्री भएको छ ।
आइतवार करीब १०० अंकले बढेको बजार त्यसपछिको दुई दिन भने लगातार घट्यो । खरीदकर्ताहरुले मूल्य बढाएर किनिहाल्ने अवस्थामा देखिएका छैनन् । सोही कारण कारोबार रकम घटेको छ ।
पछिल्लो समय बजार बढेको भोलिपल्ट नै विक्रेता हावी भएको देखिन्छ । अल्पकालिन लगानीकर्ताहरुले थारै प्रोफिट हुने वित्तीकै बुक गर्ने भएकाले पनि यस्तो प्रवृत्ति देखिएको हो ।
पछिल्लो समय वित्तीय प्रणालीमा तरलता अभाव नै छ, यसले गर्दा पनि लगानीकर्ताको मनोबल बढ्न नसकेको हो । लगानीकर्ता शेयर बजार भनेकै घटबढ भइरहन्छ भन्ने बु्झ्नु पर्छ, लगानी गर्नुपूर्व कम्पनीको आधारभूत पक्ष र प्राविधिक पक्षलाई राम्रोसँग केलाएर लगानी गरेमा राम्रो प्रतिफल प्राप्त हुने देखिन्छ ।
कारोबारमा आएका २२८ ओटा धितोपत्रमध्ये जाल्पा सामुदायिक लघुवित्त वित्तीय संस्थाको शेयरमूल्यमा सकारात्मक सर्किट लागेको छ । कम्पनीको शेयरमूल्य अघिल्लो कारोबार दिनको तुलनामा ९ दशमलव ९९ प्रतिशत वृद्धि भएकाले सकारात्मक सर्किट लागेको हो । कम्पनीको शेयरमूल्य प्रतिकित्ता रू. ९४४ दशमलव ४० पुगेको छ ।
त्यसैगरी दोस्रोमा एनआईबिएल समृद्धि फण्ड २ को इकाई मूल्य ५ दशमलव शून्य ६ प्रतिशत बढेर रू. ९ दशलमव १४ कायम भएको छ । त्यसैगरी मंगलवार सबैभन्दा बढी हिमालयन पावर पार्टनरका शेयरधनीले गुमाएका छन् । कम्पनीको शेयरमूल्य अघिल्लो कारोबार दिनको तुलनामा मंगलवार ५ दशमलव ४१ प्रतिशत घटेसँगै सर्वाधिक गुमाएका हुन् ।
कम्पनीको शेयरमूल्य प्रतिकित्ता रू. ४२० कायम भएको छ । त्यसैगरी दोस्रोमा मञ्जुश्री फाइनान्सको शेयर मूल्य ५ दशमलव शून्य ३ प्रतिशत घटेर रू. ३४० कायम भएको छ ।
मंगलवार सर्वाधिक शेयर खरीदविक्री सिद्धार्थ बैंकको भएको छ । कम्पनीको रू. ४ करोड २१ लाख बराबरको शेयर खरीदविक्री भएको हो । कम्पनीको शेयर मूल्य प्रतिकित्ता रू. ३९९ कायम भएको छ । त्यसैगरी सर्वाधिक शेयर खरीदविक्री हुने दोस्रोमा अपि पावर कम्पनीको रू. ४ करोड ६ लाख बराबरको भएको छ ।
कारोबारमा आएका १३ समूहगत परिसूचकमध्ये उत्पादन तथा प्रशोधन समूहको परिसूचक शून्य दशमलव २९ प्रतिशत र म्युुचुअल फण्ड समूहको परिसूचक १ दशमलव ६२ प्रतिशत वृद्धि भएको छ भने बाँकी सबै समूहको समूहगत परिसूचक घटेको हो ।
समूहगत परिसूचक घट्नेमा बैंकिङ्ग समूहको शून्य दशलमव ३२ प्रतिशत, व्यापार समूहको शून्य दशलमव ४८ प्रतिशत, होटल एण्ड टुरिजम समूहको शून्य दशलमव १२ प्रतिशत, विकास बैंक समूहको १ दशमलव शून्य १ प्रतिशत, हाइड्रोपावर समूहको १ दशमलव ४९ प्रतिशत, वित्त समूहको शून्य दशमलव ९९ प्रतिशत, निर्जीवन बीमा समूहको शून्य दशलमव ९३ प्रतिशत, अन्य समूहको शून्य दशमलव ६२ प्रतिशत, लघुवित्त समूहको शून्य दशमलव २८ प्रतिशत, जीवन बीमा समूहको शून्य दशमलव ७५ प्रतिशत र लगानी समूहको परिसूचक १ दशमलव ३९ प्रतिशतका दरले घटेको हो ।
