मिर्मिरे लघुवित्तले ९ महीनामा कमायो रू. ६ करोड ९६ लाख नाफा, अन्य सूचक कस्ता ?

काठमाडौं । मिर्मिरे लघुवित्त वित्तीय संस्था लिमिटेडले चालू आर्थिक वर्षको तेस्रो त्रैमासिक वित्तीय विवरण सार्वजनिक गरेको छ । विवरणअनुसार कम्पनीले चालू आवको तेस्रो त्रैमाससम्म रू. ६ करोड ९६ लाख नाफा कमाएको छ । यो नाफा गत आवको तेस्रो त्रैमासको तुलनामा भने ६३ दशमलव ८३ प्रतिशत कम हो । गत आवको तेस्रो त्रैमासमा कम्पनीले रू. १९ करोड २४ लाख नाफा कमाएको थियो ।  चालू आवमा कम्पनीको इम्पेयरमेन्ट चार्ज बढेकाले नाफा घटेको हो । गत आवमा कम्पनीको इम्पेयरमेन्ट चार्ज रू.१ करोड ३४ लाख रहेकोमा चालू आवमा बढेर रू. १ करोड ५५ लाख पुगेको छ । सोही कारण कम्पनीको सञ्चालन नाफा ६३ प्रतिशत घटेको छ । त्यस्तै कम्पनीको खुद ब्याज आम्दानी पनि गत आवको तुलनामा चालू आवमा २४ प्रतिशत घटेको छ । गत आवमा रू. ४५ करोड ३१ लाख खुद ब्याज आम्दानी गरेको कम्पनीले चालू आवमा रू. ३४ करोड ४३ लाखमात्र कमाएको हो । त्यस्तै कम्पनीको नाफा घटेसँगै प्रतिशेयर आम्दानी पनि घटेको छ । गत आवमा ४९ रुपैयाँ १५ पैसा रहेको कम्पनीको  प्रतिशेयर आम्दानी चालू आवमा १४ रुपैयाँ ४० पैसामा झरेको हो ।  त्यस्तै कम्पनीको मूल्य आम्दानी अनुपात ४१ दशमलव ८२ गुणा, तरलता अनुपात १८ दशमलव १३ प्रतिशत र प्रतिशेयर नेटवर्थ रू. १५७ दशमलव ४० रहेको छ । चुक्तापूँजी रू. ६५ करोड ३३ लाख रहेको कम्पनीले जगेडामा रू. ३३ करोड ८९ लाख र रिटेन्ड अर्निङमा रू. ३ करोड ६१ लाख सञ्चित गरेको छ ।  रिपोर्ट हेर्न यहाँ क्लिक गर्नुहोस्