वैशाख ११, काठमाडौं । चालू आर्थिक वर्ष (आव) २०७८/७९ को ९ महीनाको अवधिमा २७ वाणिज्य बैंकका कर्मचारीले तलब र बोनस बापत ४२ अर्बभन्दा बढी लिएका छन् ।
बैंकहरूको तेस्रो त्रैमाससम्मको वित्तीय विवरण अनुसार २७ वाणिज्य बैंकका कर्मचारीले बोनस बापत ८ अर्ब २ करोड र तलब बापत ३४ अर्ब ४९ करोड रुपैयाँ आर्जन गरेका हुन् ।
उक्त अवधिमा सबैभन्दा बढी एनआईसी एशिया बैंकले बोनस र तलबभत्ता बापत २ अर्ब ९३ करोड रुपैयाँ कर्मचारीलाई खर्च गरेको छ । त्यसैगरी ग्लोबाल आइएमई, कृषि विकास, राष्ट्रिय वाणिज्य, नबिल, प्रभु र सिद्धार्थले ९ महीनाको अवधिमा २ अर्बभन्दा बढी कर्मचारीका लागि बोनस र तलबभत्तामा खर्च गरेका छन् ।
चालू आर्थिक वर्षको तेस्रो त्रैमाससम्म २७ वाणिज्य बैंकमध्ये सर्वाधिक नाफा बढाउन सफल सेन्चुरी बैंकले भने कर्मचारीका लागि सबैभन्दा कम खर्च गरेको छ । उक्त अवधिमा यो बैंकाले कर्मचारीलाई तलब भत्ता र बोनस बापत ९० करोड रुपैयाँ खर्च गरेको छ ।
यसैगरी कर्मचारीलाई सबैभन्दा बढी बोनस वितरण ग्लोबल आईएमई बैंकले गरेको छ । यो बैंकले चैत मसान्तसम्म कर्मचारीलाई बोनस बापत ५७ करोड ५४ लाख रुपैयाँ खर्च गरेको छ । त्यस्तै एनआईसी एशियाले पनि ५७ करोड २२ लाख रुपैयाँ बोनस कर्मचारीलाई वितरण गरेको छ ।
अन्य बैंकको तुलनामा सबैभन्दा कम बोनस वितरण गर्नेमा बैंक अफ काठमाण्डू रहेको छ । यो बैंकले चैतसम्म कर्मचारीलाई १३ करोड ५० लाख रुपैयाँ खर्च गरेको छ ।
रकम (रू. करोडमा)
