काठमाडौं । नेपालका लागि हुन्डाई अटोमोबाइल्सको आधिकारिक विक्रेता लक्ष्मी इन्टरकन्टिनेन्टलले ‘हुन्डाईसँग नयाँ वर्ष २०८०’ अफर सार्वजनिक गरेको छ । कम्पनीले सोमवारदेखि नयाँ वर्ष लक्षित उक्त अफर सार्वजनिक गरेको हो । अफरअन्तर्गत हुन्डाईका गाडी खरीद गर्दा ५ लाख रुपैयाँसम्म नगद छूट पाउन सकिने बताइएको छ । त्यस्तै गाडी निर्माणको वर्षको आधारमा २ लाख रुपैयाँसम्मको छूट, नयाँ वर्ष र एक्सचेन्ज बोनस ८० हजार रुपैयाँसम्म पाउन सकिने कम्पनीको भनाइ छ । उक्त अफरअन्तर्गत गाडी खरीद गर्ने ग्राहकले एक वर्षसम्म निःशुल्क बीमा तथा सवारी करका साथै तुरुन्तै मूल्यांकन र एक्सचेञ्ज सुविधा पाउने कम्पनीले जानकारी दिएको छ । अफरमा सबै हुन्डाई गाडीमा तीन वर्ष वारेन्टी, ६ वर्षको फ्री सर्भिसिङ, निःशुल्क सडक कर भुक्तानीसहितका सुविधा उपलब्ध हुने कम्पनीले बताएको छ ।
