ललितादेवी राय यादव र अम्ना खातुनका छोरा विदेशमा छन् । छोरो विदेश गएपछि उनीहरू गाउँमा सञ्चालन भएको वित्तीय साक्षरता कक्षामा बसे । कक्षामा बस्न थालेपछि परदेशको दुःख र स्वदेशमा गर्न सकिने आम्दानीको बाटोहरू उनीहरूले बुझे । त्यसपछि आफ्नो परदेशी छोराका लागि भनेर उनीहरूले घरमै कुखुरा, बाख्रा, भैँसी, हाँस पालेका छन् । अब छोराहरू विदेशबाट फर्किएपछि यही काममा लगाउने उनीहरूको योजना छ ।
