काठमाडौं (अस) । नेपालका लागि फक्सवागन गाडीको आधिकारिक वितरक पूजा इन्टरनेसनल नेपाल प्रालिले कम्पनीको टप रेन्जको फ्ल्यागसिप मोडल ट्वारेग–आर नेपाल भित्र्याएको छ । पहिलेदेखि नै लोकप्रिय ट्वारेग अब आर–ट्रिटमेन्टका साथ प्रशस्तै फिचर थप भएर आएको छ ।
नयाँ एसयूभी ट्वारेग–आर विश्वप्रसिद्ध ६ सिलिन्डर भी(६, ३.० लिटर टबोचार्ज्ड पेट्रोल इन्जिनद्वारा सञ्चालित छ, जसले ५३००–६४०० आरपीएममा ३४० पीएस पावर र १३७०–४५०० आरपीएममा ४५० एनएम टर्क जेनेरेट गर्छ ।
फोक्सवागन ट्वारेगलाई पोर्स र फक्सवागन समूहले अडी र फक्सवागन ब्रान्ड समावेश गरी संयुक्त उद्यम परियोजनाको रूपमा विकसित गरेको थियो । ट्वारेग–आर ठूलो आकारको फन–टु–ड्राइभ लक्जरी एसयूभी हो, जुन जर्मन कार निर्माता फक्सवागन समूहले २००२ देखि ब्राटिस्लाभा प्लान्टमा उत्पादन गरेको हो ।
नयाँ ट्वारेग–आरमा आठ स्पीड अटोमेटिक गियरबक्स, २० इन्चको एलोय ह्वील, ट्रयाक्सन कन्ट्रोल र फोर ह्वील ड्राइभ रहेको छ, जसले प्रतिकुल मौसम तथा रोडमा पनि सिमलेस ड्राइभिङको अनुभव पाउन सकिने कम्पनीले बताएको छ ।
ट्वारेग–आरमा एआर जेस्चरसहितको १५ इन्चको इन्फोटेनमेन्ट प्रणाली, १२ इन्चको क्लस्टर प्यानल, हिटेद सिट, फ्रन्ट मसाज सिट, अटो होल्ड कन्ट्रोल, फुल पानारोमिक सनरुफ, रियर एलईडी टेल लाइट, हिल डिसेन्ट असिस्ट, हेड अप डिस्प्ले, टायर प्रेसर मनिटरिङलगायत सुविधा छन् ।
यो गाडीमा एक्टिभ एयर सस्पेन्सन, अल–ह्वील स्टेयरिङ, एबीएस प्लस र डीफ्फेरेन्सिअल लक समावेश छ ।
ट्वारेग–आर स्टाइलिस बोल्ड एक्सटेरियर र फ्रेस तथा भाइब्रेन्ट डिजाइनका साथ उपलब्ध छ । ट्वारेग–आरले ५.९ सेकेन्डमै ० देखि १०० किलोमिटर प्रतिघन्टासम्मको गति लिन सक्छ भने यसको टप स्पिड २५० किलोमिटर प्रतिघन्टा छ ।
कम्पनीले नयाँ ट्वारेग–आरको प्रारम्भिक मूल्य ३.२५ करोड रुपैयाँ पर्ने बताएको छ ।
.jpeg)
