‘समृद्ध नेपाल, सुखी नेपाली’ को मुख्य अभियानमा खटिरहेको नेपालका लागि कोभिड १९ (कोरोना) महामारीले थोरै समय रोक लाग्ने अवस्थाप्रति समयमै उचित योजना, नीति र रणनीतिको आधारमा कार्यसम्पादन गरिनुपर्दछ । अहिलेको जटिलतालाई ध्यानमा राखेर आगामी बजेट कोरोना प्रतिरोध केन्द्रित हुनुपर्छ । हालसम्म सञ्चालनमा रहेका राष्ट्रिय गौरवका र अन्य ठूला आयोजनाको निरन्तरतामा ध्यान दिनुपर्दछ । वैदेशिक रोजगारमा कार्यरत श्रमिकहरूको रोजगारी खोसिने जोखिमलाई सरकारले यथार्थ र अनुमानित सङ्ख्याको अभिलेखीकरणको विश्लेषण गरी सोहीअनुरूपको बजेट बनाउनुपर्छ ।